சீனாவில் மனித உருவ ரோபோக்களை கண்காணிக்க டிஜிட்டல் அடையாள எண்கள் அறிமுகம்!

சீனா தனது அனைத்து மனித உருவ ரோபோக்களுக்கும் அவற்றின் ஆயுட்காலம் முழுவதும் சிறப்பாகக் கண்காணிக்க தனித்துவமான டிஜிட்டல் அடையாள எண்களை வழங்கத் திட்டமிட்டுள்ளது.

சீனா இந்தத் துறையில் விரைவான வளர்ச்சியை ஊக்குவிக்க முற்படுவதால், மனித உருவ ரோபோ தயாரிப்புகளில் உள்ள பாதுகாப்பு அபாயங்களை, குறைப்பதற்காக  இந்த திட்டத்தை அறிமுகப்படுத்தியுள்ளது.

மனித உருவ ரோபோக்களை எவ்வாறு நிர்வகிப்பது மற்றும் தனித்துவமான அடையாள எண்களை எவ்வாறு கண்காணிப்பது என்பது குறித்த புதிய வழிகாட்டுதல்களையும் சீன அதிகாரிகள் வெளியிட்டுள்ளனர்.

இந்தத் தனித்துவமான மனித உருவ அடையாள எண்கள் நான்கு பகுதிகளைக் கொண்டுள்ளன.

எல்லை தாண்டிய சரக்குகளைக் கண்காணிப்பதற்கான இரண்டு இலக்கக் குறியீடு மற்றும் ரோபோவைத் தயாரித்த சீன நிறுவனத்தை அடையாளம் காட்டும் நான்கு இலக்கக் குறியீடு ஆகியவை இதில் அடங்கும்.

புதிய வழிகாட்டுதல்களின்படி, ஆறு இலக்க தயாரிப்புக் குறியீடு மனித உருவ ரோபோவின் வகையை அடையாளம் காண உதவும், மேலும் 17 இலக்கத் தொடர் எண் தனிப்பட்ட ரோபோக்களை வேறுபடுத்திக் காட்டும்.

இதற்கமைய 200 மாடல்களைச் சேர்ந்த 28,000-க்கும் மேற்பட்ட மனித உருவ ரோபோக்களுக்கு டிஜிட்டல் அடையாள எண் வழங்கப்பட்டுள்ளது.