கொழும்பில் 7ஆம் மாடியில் மற்றுமொரு தடுப்பு மையம்
கொழும்பில் உள்ள மத்திய குற்றப் புலனாய்வுப் பிரிவு (CCIB), பயங்கரவாதத் தடுப்புச் சட்டத்தின் கீழ் தடுப்பு மையமாக அதிகாரப்பூர்வமாக அறிவிக்கப்பட்டுள்ளது.
பாதுகாப்பு அமைச்சரான, ஜனாதிபதி அநுரகுமார திசாநாயக்கவினால் இதுதொடர்பாக, 2026 ஆம் ஆண்டு ஒக்டோபர் 6 ஆம்திகதியிடப்பட்டு இலக்கம் 2509/11 கொண்ட சிறப்பு வர்த்தமானி அறிவிப்பு வெளியிடப்பட்டுள்ளது.
பயங்கரவாதத் தடுப்பு சட்டத்தின் பிரிவு 9-ன் கீழ் தனக்கு வழங்கப்பட்ட அதிகாரங்களைப் பயன்படுத்தி,ஜனாதிபதி இந்த வளாகத்தைச் சட்டத்தின் நோக்கங்களுக்காக ஒரு தடுப்பு மையமாக அறிவித்துள்ளார்.
குறிக்கப்பட்ட இந்தத் தடுப்பு மையம், கொழும்பு 05-இல் உள்ள தொழிலாளர் செயலகக் கட்டடத்தின் 7-வது மாடியில் அமைந்துள்ள மத்திய குற்றப் புலனாய்வுப் பிரிவில் அமைந்துள்ளது.
