காலியில் அஹூங்கல்ல காவல் பிரிவுக்கு உட்பட்ட பாதேகம பிரதேசத்தில் கல்லால் தாக்கப்பட்டு பெண்ணொருவர் கொலை செய்யப்பட்டுள்ளார். அஹூங்கல்ல, பாதேகம பிரதேசத்தைச் சேர்ந்த 43 வயதுடைய பெண் ஒருவரே சம்பவத்தில் உயிரிழந்துள்ளார். நேற்றைய தினம் (31) இந்த சம்பவம் இடம்பெற்றுள்ளது. உயிரிழந்த பெண்ணுக்கும் அவரது உறவினர் ஒருவருக்கும் இடையில் ஏற்பட்ட தனிப்பட்ட தகராறு காரணமாக இந்த தாக்குதல் இடம்பெற்றுள்ளதாக காவல்துறையினரின் விசாரணையில் தெரியவந்துள்ளது. தாக்குதலில் காயமடைந்த பெண் பலப்பிட்டிய வைத்தியசாலையில் அனுமதிக்கப்பட்ட பின்னர் உயிரிழந்துள்ளார். இதனையடுத்து சந்தேக நபரான […]

பாதாள குழு உறுப்பினர் கெஹேல்பத்தர பத்மேவிடமிருந்து துப்பாக்கியொன்றை வாங்கினார் எனக் கூறப்படும் வியாபாரியொருவர் காவல்துறையினரால் கைது செய்யப்பட்டுள்ளார். மினுவாங்கொடை பகுதியை சேர்ந்த வியாபாரி ஒருவரே, மேல்மாகாண குற்றத் தடுப்பு பிரிவு அதிகாரிகளால் இவ்வாறு கைது செய்யப்பட்டுள்ளார். காவல்துறைக்கு கிடைக்கப்பெற்ற தகவலுக்கமைய குறித்த வியாபாரியின் வீடு சோதனைக்குட்படுத்தப்பட்டது. இதன்போது துப்பாக்கியும், தோட்டாக்களும் கைப்பற்றப்பட்டுள்ளன. துப்பாக்கியை வாங்குவதற்காக வியாபாரி, மூன்றரை லட்சம் ரூபாவை வழங்கியுள்ளார் என தெரியவருகின்றது. அவரிடம் மேலதிக விசாரணைகள் முன்னெடுக்கப்பட்டுவருகின்றன.