இலங்கை பொதுத் தேர்தலுக்கான வாக்களிப்பு நடவடிக்கைகள் நிறைவு பெற்றுள்ள நிலையில், தற்போதும் வாக்குப்பெட்டிகள் கிடைக்கவில்லை எனக் கூறப்படுகிறது. வாக்குப்பெட்டிகளை எண்ணும் மையங்களுக்கு கொண்டு செல்வதற்காக இசிபதன கல்லூரி வாக்களிப்பு நிலையத்திற்கு ஒன்றரை மணிநேரம் ஆகியும் பேருந்துகள் வரவில்லை என தெரிவிக்கப்படுகிறது. எனினும், வாக்குப்பதிவு மாலை 4 மணிக்கு முடிவடைந்ததையடுத்து, வாக்குச்சாவடிக்கு நியமிக்கப்பட்டிருந்த அலுவலர்கள் ஏற்கனவே புறப்பட்டுச் சென்றதாக தெரிவிக்கப்படுகிறது.

தேர்தல் ஆணைய தலைவர் ஆர்.எம்.ஏ.எல். ரத்நாயக்க பாராளுமன்றத் தேர்தலில் ஒட்டுமொத்தமாக 65% வாக்களிக்கப்பட்டுள்ளதாக மதிப்பிட்டுள்ளார். இது தொடர்பில் கருத்து வெளியிட்டுள்ள அவர்,  “இறுதியாக வாக்குப்பதிவு 65% ஆக இருக்கும் என்று நாங்கள் கணிக்கிறோம். கடந்த ஜனாதிபதித் தேர்தலில் 79% வாக்களிப்பில் இருந்து இது பாரிய வீழ்ச்சியைக் குறிக்கிறது” எனத் தெரிவித்துள்ளார். எனினும், தேர்தல் ஆணையம் இன்னும் அதிகாரப்பூர்வமாக வாக்காளர் எண்ணிக்கையை அறிவிக்கவில்லை.

இலங்கை நாடாளுமன்ற தேர்தலுக்கான வாக்குப்பதிவு தற்போது நிறைவு பெற்றுள்ளது. 55 சதவீதத்திற்கும் அதிகமான மக்கள் வாக்களித்துள்ளனர். நாடளாவிய ரீதியில் உள்ள 13,421 வாக்களிப்பு நிலையங்களில் இன்று (14) காலை 7 மணிக்கு ஆரம்பமான வாக்களிப்பு மாலை 4:00 மணி வரை நடைபெற்றது. பிற்பகல் 2 மணி நிலவரப்படி, மாவட்ட வாரியாக அறிவிக்கப்பட்ட வாக்கு சதவீதம் பின்வருமாறு. கம்பஹா – 52% களுத்துறை – 45% கண்டி – 50% மாத்தளை – 55% நுவரெலியா – 60% […]

வாத்துவ, பொதுப்பிட்டிய பிரதேசத்தில் உள்ள வாக்குச் சாவடியில் வாக்குச் சீட்டைக் கிழித்த நபர் ஒருவர் கைது செய்யப்பட்டுள்ளார். குறித்த நபர் வாத்துவ பொலிஸாரால் கைது செய்யப்பட்டுள்ளதாக தெரிவிக்கப்படுகின்றது. குறித்த நபர் வாக்குச் சீட்டை எடுத்துக் கொண்டு வாக்குச் சாவடிக்குள் நுழைந்து விருப்பு எண்களை மறந்துவிட்டதாகக் கூறி வாக்குச் சாவடியை விட்டு வெளியேற அங்கிருந்த அதிகாரிகளிடம் அனுமதி கோரினார். ஆனால், அதிகாரிகள் அனுமதி வழங்க முடியாது என்று கூறியதால் அவர் வாக்குச் சீட்டை கிழித்து எறிந்ததாக போலீஸார் தெரிவித்தனர்.