நாளை நாடாளுமன்றம் வருகிறது ‘அனோஜன் விவகாரம்’
சவூதி அரேபியாவில் மரண தண்டனை விதிக்கப்பட்டுள்ள சிவராசா அனோஜன் விவகாரம் குறித்து, வெளிவிவகார அமைச்சர் விஜித ஹேரத் நாடாளுமன்றத்தில் நாளை (22) சிறப்பு அறிக்கை ஒன்றை வெளியிடவுள்ளார்.
இது குறித்து நாடாளுமன்றத்தில் உரையாற்றவுள்ளதாக வெளிவிவகார அமைச்சர் உறுதிப்படுத்தியுள்ளார்.
சவூதி அரேபியாவில் சட்ட நடைமுறைகளுக்கு உட்பட்டுள்ள அனோஜனின் விவகாரத்தை உன்னிப்பாகக் கண்காணித்து வருவதாக வெளிவிவகார, வெளிநாட்டு வேலைவாய்ப்பு மற்றும் சுற்றுலாத்துறை அமைச்சு ஏற்கனவே தெரிவித்திருந்தது.
அதேவேளை, அனோஜன் விவகாரம் குறித்து எதிர்க்கட்சி தலைவரும் நாளை, சபையில் கேள்வி எழுப்புவார் என தெரியவருகின்றது.
