UK பிரதமரின் தலைமைத்துவத்துக்கு கிடைத்த முதல் வெற்றி: இடைத்தேர்தலில் வென்றது தொழிற்கட்சி

பிரித்தானிய பிரதமர் ஆண்டி பர்ன்ஹாமிற்கு (Andy Burnham) பலம் சேர்க்கும் வகையில், முன்னாள் பிரதமர் கெய்ர் ஸ்டார்மர் (Keir Starmer) ராஜினாமா செய்த நாடாளுமன்றத் தொகுதிக்கான இடைத்தேர்தலில் தொழிற்கட்சி (Labour Party) இடதுசாரி பசுமைக் கட்சியின் (Green Party) சவாலை முறியடித்து அபார வெற்றி பெற்றுள்ளது.

மத்திய லண்டனில் உள்ள ஹோல்பார்ன் மற்றும் செயிண்ட் பான்க்ராஸ் (Holborn and St Pancras) தொகுதியில் போட்டியிட்ட உள்ளாட்சிமன்றத் தலைவரும் தொழிற்கட்சி வேட்பாளருமான சகல் அப்தி-வாலி (Sagal Abdi-Wali) 12,292 வாக்குகள் பெற்று வெற்றி பெற்றார். இவரை எதிர்த்துப் போட்டியிட்ட பசுமைக் கட்சித் தலைவர் சாக் போலான்ஸ்கி (Zack Polanski) 8,928 வாக்குகளைப் பெற்றார்.

ஸ்டார்மரின் இரண்டு ஆண்டு கால ஆட்சியில் முக்கிய நகரங்களில் பின்னடைவைச் சந்தித்த தொழிற்கட்சியின் செல்வாக்கை பர்ன்ஹாம் சீரமைத்து வரும் நிலையில், இத்தொகுதியைத் தொழிற்கட்சி தக்கவைத்துக் கொள்ளும் என்றே பரவலாக எதிர்பார்க்கப்பட்டது.

தேசிய அளவிலான கருத்துக்கணிப்புகளில் தொழிற்கட்சிக்கு முக்கியப் போட்டியாளராக Reform Party உருவெடுத்துள்ள போதிலும், 2029-ஆம் ஆண்டின் நடுப்பகுதியில் நடைபெறவுள்ள பொதுத் தேர்தலுக்கு முன்னதாக, பசுமைக் கட்சி பக்கம் சாயத் தொடங்கிய இடதுசாரி வாக்காளர்களின் ஆதரவை மீண்டும் பெற ஆளும் தொழிற்கட்சி தீவிர முயற்சி மேற்கொண்டு வருகிறது.