சூடானில் போர் புரிந்த தலைவர்கள் மீது பிரித்தானியா தடை விதிப்பு

சூடான் போரின் போது பணியாற்றிய 15 இராணுவத் தளபதிகள், போராளிக் குழுத் தலைவர்கள் மற்றும் பாதுகாப்பு அதிகாரிகள் மீது பிரித்தானிய அரசாங்கம் தடை விதித்துள்ளது.

பாலியல் வன்முறை, சித்திரவதை மற்றும் பொதுமக்கள் மீதான தாக்குதல்களை காரணங்களாக குறிப்பிட்டே இந்த தடை அறிவிக்கப்பட்டுள்ளது.

இந்த தடை உத்தரவின் கீழ் விரைவு ஆதரவுப் படைகள் மற்றும் சூடான் ஆயுதப் படைகளின் தளபதிகள், அத்துடன் இராணுவத்துடன் கூட்டணி வைத்துள்ள ஆயுதக் குழுக்களின் தலைவர்களும் அடங்குகின்றனர்.

சூடான் போரின் மையப் புள்ளியாக மாறிய வடக்கு டார்ஃபூர் தலைநகரான அல்-ஃபஷீர் al-Fashir,  வீழ்ந்து ஓராண்டுக்குப் பிறகு இந்த நடவடிக்கைகள் எடுக்கப்பட்டுள்ளன.

மேலும் சூடானுக்கான மனிதாபிமான உதவிகள் மற்றும் பாதிக்கப்பட்டோர் ஆதரவிற்காக கூடுதலாக 15 மில்லியன் பவுண்டுகள் வழங்கவுள்ளதாகவும் பிரித்தானிய அரசாங்கம் அறிவித்துள்ளது.