‘போர் நிறுத்தம்’ – பாகிஸ்தானின் முயற்சிக்கு சீனா ஆதரவு!

ஈரான் மற்றும் அமெரிக்கா ஆகிய நாடுகளுக்கிடையிலான போரை முடிவுக்குக் கொண்டுவரும் நோக்கில் பாகிஸ்தான் விடுத்துள்ள பேச்சுவார்த்தை அழைப்புக்கு சீனா தனது ஆதரவைத் தெரிவித்துள்ளது.

மத்திய கிழக்கில் நிலவும் பதற்றத்தைத் தணிப்பதற்கும், போரை நிறுத்துவதற்கும் மேற்கொள்ளப்படும் அனைத்து முயற்சிகளையும் சீனா வரவேற்கும் என அந்நாட்டு வெளிவிவகார அமைச்சு தெரிவித்துள்ளது.

உலக நாடுகளின் பொருளாதார நலனைக் கருத்தில் கொண்டு ஹார்முஸ் நீரிணைப் பகுதியில் கப்பல் போக்குவரத்தைப் பாதுகாப்பாக வைத்திருப்பது அவசியம் எனச் சீனா வலியுறுத்துகிறது.

அமைதியை நிலைநாட்டவும் உரையாடல்களை மீண்டும் தொடங்கவும் முன்னெடுக்கப்படும் இத்தகைய ராஜதந்திர முயற்சிகளுக்குச் சீனா முழு ஒத்துழைப்பு வழங்கும் என தொடர்ச்சியாக குறிப்பிடப்பட்டுவருகின்றது.