யாழில் அதி வேகத்தால் நிகழ்ந்த சோகம் – இரு இளைஞர்கள் மரணம்

யாழ்ப்பாணம், அளவெட்டியில் இன்று (01) இடம்பெற்ற மோட்டார் சைக்கிள் விபத்தொன்றில் இரு இளைஞர்கள் உயிரிழந்துள்ளனர்.

சுன்னாகத்தைச் சேர்ந்த 17 மற்றும் 24 வயதுடைய இளைஞர்களே இவ்வாறு உயிரழந்துள்ளதாக அடையாளம் காணப்பட்டுள்ளனர்.

அளவெட்டிச் சந்திக்கு அருகில், அதிவேகமாகச் சென்ற மோட்டார் சைக்கிளின் கட்டுப்பாட்டை ஓட்டுநர் இழந்ததன் விளைவாக, அது வீதியோரத்தில் இருந்த சுவரொன்றின் மீது மோதி விபத்துக்குள்ளானதாக பொலிஸார் தெரிவித்துள்ளனர்.

விபத்து நடந்த இடத்திலேயே இருவரும் உயிரிழந்ததாக பொலிஸார் உறுதிப்படுத்தியுள்ளனர்.

உயிரிழந்தவர்களின் சடலங்கள் தெல்லிப்பழை வைத்தியசாலையில் வைக்கப்பட்டுள்ளதுடன், தெல்லிப்பழை பொலிஸார் மேலதிக விசாரணைகளை மேற்கொண்டு வருகின்றனர்.