பல்லேகெல தும்பர சிறைச்சாலையில் துப்பாக்கிச்சூடு – கைதி உயிரிழப்பு

பல்லேகெல தும்பர சிறைச்சாலையில் கைதி  ஒருவர் துப்பாக்கிச்சூட்டு இலக்காகி உயிரிழந்துள்ளார்.

குறித்த கைதி சிறையில் இருந்து தப்பிக்க முயற்சித்த வேளையில் சிறை அதிகாரி ஒருவரால் சுட்டு கொல்லப்பட்டதாக தெரிவிக்கப்படுகிறது.

இது தொடர்பில் கருத்து வெளியிட்டுள்ள சிறைச்சாலைகள் ஆணையாளரும் ஊடகப் பேச்சாளருமான சேனக பல்லெதென்ன, குறித்த கைதி சிறைச்சுவருக்கு அருகிலுள்ள பாதுகாப்பு கோபுரத்தின் மீது ஏறி, பணியிலிருந்த அதிகாரி ஒருவரின் துப்பாக்கியைப் பறிக்க முயன்றதாகக் குறிப்பிட்டார்.

இதனைத் தொடர்ந்து, தப்பிச் செல்வதைத் தடுக்கும் நோக்கில் அந்த அதிகாரி கைதியின் மீது துப்பாக்கிச் சூடு நடத்தியதாக அவர் தெரிவித்தார்.

அவர் தும்பர சிறைச்சாலையில் விளக்கமறியலில் வைக்கப்பட்டிருந்ததாகவும் தெரிவிக்கப்படுகிறது.