இலங்கை அரசாங்கத்திற்கு எதிராக தீர்ப்பு வழங்கிய ஐ.நா!

இலங்கை பொலிஸாரால் சித்திரவதைகளுக்கு உட்படுத்தப்பட்ட தமிழீழ விடுதலைப்புலிகள் இயக்கத்தின் முன்னாள் உறுப்பினரால் தாக்கல் செய்யப்பட்ட வழக்கில் ஐக்கிய நாடுகள் மனித உரிமைகள் மீளாய்வுக்குழு தீர்ப்பாயத்தின் 17பேரடங்கிய   நீதியரசர் குழாம் இலங்கைக்கு எதிராகத் தீர்ப்பு வழங்கியுள்ளது.

இலங்கையில் தடுத்துவைக்கப்பட்டிருந்த தமிழீழ விடுதலைப்புலிகள் இயக்கத்தின் முன்னாள் உறுப்பினரொருவர் சுமார் ஒருமாதகாலமாக கிரிக்கெட் துடுப்புமட்டையால் தாக்கப்பட்டமை, மின்சாரத்தாக்குதல்,  வன்புணர்வு என பொலிஸாரால் சித்திரவதைகளுக்கு உள்ளாக்கப்பட்டார்.

இது தொடர்பில் கடந்த 2014 ஆமு் ஆண்டு நாடு கடந்த தமிழீழ அரசாங்கத்தினால் ஐக்கிய நாடுகள் மனித உரிமைகள் மீளாய்வுக்குழுவிடம் முறைப்பாடளிக்கப்பட்டது.

குறித்த முறைப்பாட்டினை விசாரணை செய்த 17 பேர் அடங்கிய நீதியரசர் குழாம்,  சித்திரவதைகளால் பாதிக்கப்பட்ட தமிழீழ விடுதலைப்புலிகள் இயக்கத்தின் முன்னாள் உறுப்பினருக்கு ஆதரவாகவும்,  இலங்கை அரசாங்கத்துக்கு எதிராகவும் தீர்ப்பு வழங்கியிருக்கின்றது.

இந்த விவகாரம் தொடர்பில்  இலங்கை அரசாங்கத்தைக் கடுமையாகக் கண்டித்திருக்கும் நீதியரசர் குழாம்,  சுதந்திரமான விசாரணைகளின் மூலம் இச்சித்திரவதைகளுக்குப் பொறுப்பான பொலிஸ் அதிகாரிகளைக் கண்டறியுமாறு உத்தரவு பிறப்பித்துள்ளது.

அவர்களுக்கு உரியவாறான தண்டனை வழங்கப்படுவதை உறுதிசெய்யுமாறும் இலங்கை அரசாங்கத்துக்கு உத்தரவிட்டுள்ளது.

தொடர்புடைய செய்திகள்:

பாடசாலை மாணவர்களை பல்வேறு குழுக்களின் பணயக் கைதிகளாக்குவதற்கு ஒருபோதும் இடமளிக்கப்போவதில்லை என ஜனாதிபதி வலியுறுத்தல் காலநிலை மாற்றத்திற்கான பல்கலைக்கழகத்தை ஜனாதிபதியின் ஆலோசனைக்கமைய உருவாக்க உத்தேசிக்கப்பட்டுள்ளது. அரச ஊழியர்களுக்கு அதிகரிக்க போகும் சம்பளம்! அமைச்சர் வெளியிட்டுள்ள அறிவிப்பு இனவழிப்புகளை தொடர்ந்து சமய அழிப்புகள் தொடர்கின்றன – சர்வதேச இந்து இளைஞர் பேரவை கண்டனம்!