FIFA தலைவருக்கான ஆதரவை மீளப்பெற்றது சுவிஸ் கால்பந்து சங்கம்
அடுத்த வருடம் நடைபெறவுள்ள சர்வதேச கால்பந்து கூட்டமைப்பான FIFA) தலைவர் தேர்தலில், தற்போதைய தலைவர் ஜியானி இன்பான்டினோவிற்கு (Gianni Infantino) வழங்கி வந்த ஆதரவை வாபஸ் பெறுவதாக சுவிட்சர்லாந்து கால்பந்து சங்கம் (SFV) அறிவித்துள்ளது.
உலகக்கோப்பை மற்றும் கிளப் உலகக்கோப்பை உள்ளிட்ட FIFA போட்டிகளின் பங்குகளைத் தனிப்பார்வை முதலீட்டாளர்களுக்கு விற்பனை செய்ய ஜூலை மாதத்தில் இன்பான்டினோ முன்மொழிந்த திட்டம் பெரும் கொந்தளிப்பை ஏற்படுத்தியது.
இதனைத் தொடர்ந்து பல முன்னணி ஐரோப்பிய தேசிய சங்கங்கள் அவருக்கு அளித்து வந்த ஆதரவை வாபஸ் பெற்றுள்ளன.
இன்பான்டினோ சுவிட்சர்லாந்தைச் சேர்ந்தவர் என்பதோடு, FIFA மற்றும் ஐரோப்பிய கால்பந்து ஆளுமை அமைப்பான UEFA ஆகிய இரண்டின் தலைமையகங்களும் சுவிட்சர்லாந்திலேயே அமைந்திருப்பதால், சுவிஸ் கால்பந்து சங்கத்தின் இந்த அறிவிப்பு மிக முக்கியத்துவம் பெறுகிறது.
சுவிஸ் கால்பந்து சங்கம் வெள்ளிக்கிழமை கூடிய தனது செயற்குழு கூட்டத்தில், “2026 ஜூன் மாதம் ஜியானி இன்பான்டினோவின் FIFA தலைவர் பதவிக்கான அடுத்த கட்ட வேட்புமனுவிற்கு அளித்த ஆதரவை வாபஸ் பெற முடிவு செய்துள்ளது” என்று தெரிவித்துள்ளது.
