ரஷ்ய தேர்தல் சர்வதேச சட்டத்தின் மீறல் – பிரான்ஸ் கடும் அதிருப்தி

ரஷ்யாவின் ஆளும் கட்சியான யுனைடெட் ரஷ்யா’ (United Russia) சுதந்திரமான தேர்தலுக்கான நிபந்தனைகளை பூர்த்தி செய்யவில்லை என்று  பிரான்ஸ் அரசாங்கம் குற்றம் சாட்டியுள்ளது.

பிரான்ஸ் வெளியுறவு அமைச்சகம் இன்று (21.09) வெளியிட்ட அறிக்கையில் இவ்வாறு குறிப்பிடப்பட்டுள்ளது.

குறித்த அறிக்கையில், ஆக்கிரமிக்கப்பட்ட உக்ரைனியப் பகுதிகளில் தேர்தலை நடத்தியது சர்வதேச சட்டத்தின் மற்றொரு மீறலாகும் என்றும் சுட்டிக்காட்டப்பட்டுள்ளது.

“சிவில் சமூகம் மற்றும் எதிர்க்கட்சிகளுக்கு எதிரான கடுமையான ஒடுக்குமுறை, பல அரசியல் கட்சிகள் விலக்கி வைக்கப்படுதல், கருத்துச் சுதந்திரத்தின் மீதான கட்டுப்பாடுகள் அதிகரிப்பு மற்றும் சுதந்திர ஊடகங்களுக்குத் தடை விதித்தல் ஆகியவை, ரஷ்ய மக்கள் தங்கள் விருப்பத்தைத் சுதந்திரமாக உருவாக்கிக்கொள்ளும் மற்றும் வெளிப்படுத்தும் திறனைப் பலவீனப்படுத்தியுள்ளன” என்றும் தெரிவிக்கப்பட்டுள்ளது.