போர்களத்தில் 42 ஆயிரத்திற்கும் மேற்பட்ட துருப்புக்களை இழந்த ரஷ்யா – மார்த்தட்டும் உக்ரைன்
ரஷ்யா போரில் கடந்த ஜுலை மாதத்தில் மட்டும் 42,860 உயிரிழப்புகளை சந்தித்ததாக சர்வதேச ஊடங்கள் செய்தி வெளியிட்டுள்ளன.
அதே காலகட்டத்தில், மிகப்பெரிய நிலப்பரப்பு வெற்றிகளைப் பெற்றதாக உக்ரைன் கூறுகிறது.
தெற்கு முனையில் தங்கள் படைகள் கிட்டத்தட்ட 300 சதுர மைல்களையும் 26 குடியிருப்புகளையும் மீண்டும் கைப்பற்றியுள்ளதாக கீவ் கூறுகிறது.
அதேநேரம் ரஷ்யப் படைகள் முன்னணிப் பகுதியின் சில இடங்களில் ஏழு மைல்களுக்கும் மேலாகப் பின் தள்ளப்பட்டுள்ளதாகவும் உக்ரைன் குறிப்பிட்டுள்ளது.
ரஷ்ய இராணுவத்தின் மொத்த உயிரிழப்புகள் இப்போது 1.5 மில்லியனை நெருங்கியுள்ளதாக உக்ரைன் கூறுகிறது. இந்த எண்ணிக்கை கொல்லப்பட்ட மற்றும் காயமடைந்த வீரர்களை உள்ளடக்கியுள்ளது.
எவ்வாறாயினும் இந்த தகவல்களை சுயாதீனமாக சரிபார்க்க முடியவில்லை என்று சர்வதேச ஊடகங்கள் குறிப்பிட்டுள்ளன.
