கொரிய தீபகற்பத்தில் அதிகரிக்கும் பதற்றம் – எல்லையில் சார்ஜன்ட் உயிரிழப்பு

வட கொரிய எல்லைக்கு அருகில் பணியமர்த்தப்பட்ட சார்ஜன்ட் ஒருவர் உயிரிழந்துள்ளார்.

இது தொடர்பான விசாரணைகளை ஆரம்பித்துள்ளதாக தென்கொரியா அறிவித்துள்ளது.

இருப்பினும் இந்தச் சம்பவம் இரு கொரிய நாடுகளுக்கும் இடையே அதிகரித்து வரும் பதட்டங்களுடன் தொடர்புடையதா என்பது இன்னும் தெளிவாகத் தெரியவில்லை.

செப்டம்பர் 21 அன்று இராணுவமயமற்ற மண்டலத்தில் நடந்த கண்ணிவெடித் தாக்குதலில் மூன்று தென் கொரிய வீரர்கள் காயமடைந்துள்ளனர்.

இதனைத் தொடர்ந்து இரு நாடுகளுக்கும் இடையிலான உறவுகள் மோசமடைந்துள்ளன.

போர் நிறுத்த ஒப்பந்தத்தை மீறி பியோங்யாங் கண்ணிவெடியைப் பதித்துள்ளதாக  சியோல் குற்றம் சாட்டியுள்ளது, இந்தக் குற்றச்சாட்டை வட கொரியா மறுத்துள்ள நிலையில் இந்த உயிரிழப்பு சம்பவம் இடம்பெற்றுள்ளது.

இதேவேளை வடகொரியா சமீபகாலமாக எல்லைப் பகுதிகளில் ஆயுதங்களை குவித்து வருகின்றமை குறிப்பிடத்தக்கது.