லங்கா சதொசவில் அத்தியாவசிய பொருட்களின் விலை குறைப்பு

லங்கா சதொச நிறுவனத்தினால் சில அத்தியாவசிய பொருட்களின் விலைகள் குறைக்கப்பட்டுள்ளன.

இதற்கமைய, 400 கிராம் பால்மா பைக்கட் ஒன்றின் விலை 125 ரூபாவினால் குறைக்கப்பட்டுள்ளதுடன், அதன் புதிய விலை 935 ரூபாவாக குறைக்கப்பட்டுள்ளது.

அத்துடன், 1,190 ரூபாவாக காணப்பட்ட ஒரு கிலோ கிராம் காய்ந்த மிளகாயின் விலை 15 ரூபாவினால் குறைக்கப்பட்டுள்ளது. அதன்படி, அதன் புதிய விலை 1,175 ரூபாவாக குறைக்கப்பட்டுள்ளது.

வெள்ளை அரிசி கிலோ ஒன்றின் விலை 5 ரூபாவால் குறைக்கப்பட்டுள்ளதுடன், அதன் புதிய விலை 195 ரூபாவாக பதிவாகியுள்ளது.

வெள்ளை சீனியின் விலை 3 ரூபாவினால் குறைக்கப்பட்டு, புதிய விலை 272 ரூபாவாக பதிவாகியுள்ளது.

அனைத்து சதொச விற்பனை நிலையங்களிலும் இந்த விலை குறைப்பு இன்று (08) முதல் அமலுக்கு வருகிறது.