ஜப்பானை நெருங்கும் சக்திவாய்ந்த புயல் – 16 இலட்சம் மக்களுக்கு வெளியேற்ற உத்தரவு

ஜப்பானை நெருங்கும் சக்திவாய்ந்த டுஜுவான் புயல் மற்றும் எல் நினோ நிகழ்வு காரணமாக கடுமையான மழைவீழ்ச்சி எதிர்பார்க்கப்படுகிறது.

புயல் டோக்கியோவை நெருங்குவதால், வரலாறு காணாத மழையை எதிர்கொள்ள ஜப்பான் தயாராகி வருவதாக தெரிவிக்கப்பட்டுள்ளது.

இதன்காரணமாக 16 இலட்சம் மக்களுக்கு வெளியேற்ற உத்தரவுகள் பிறப்பிக்கப்பட்டுள்ளன.

இதற்கிடயே புயல் காரணமாக சுமார் 300 விமானங்கள் ரத்து செய்யப்பட்டுள்ளன, மேலும் சில ரயில் சேவைகளும் நிறுத்தப்பட்டுள்ளன.

டுஜுவான் புயல் மணிக்கு 130 கி.மீ வேகத்தில் தொடர்ச்சியான காற்றையும், மணிக்கு 194 கி.மீ வரை வேகமான காற்று வீச்சுகளையும் கொண்டுள்ளது.

டோக்காய் பகுதியில் 350 மி.மீ வரை மழை பெய்யும் என எதிர்பார்க்கப்படுகிறது.

பசிபிக் பெருங்கடலில் ஏற்படும் தொடர் புயல்கள் என்பது, இந்த ஆண்டின் “சூப்பர் எல் நினோ” நிலை காரணமாக கடல் நீர் வெப்பமடைவதாலும், புயல் உருவாக்கம் தீவிரமடைவதாலும் ஏற்படும் ஒரு கடுமையான வானிலை நிகழ்வாகும்.