பிரித்தானியாவின் எசெக்ஸ் மாகாணத்தில் விமான விபத்து – இருவர் பலி

பிரித்தானியாவின் எசெக்ஸ் (Essex) மாகாணத்தின் ஓங்கார் (Ongar) அருகே உள்ள வயல் ஒன்றில் சிறிய ரக விமானம் விழுந்து விபத்துக்குள்ளாகியுள்ளது.

இதில் இருவர் உயிரிழந்துள்ளனர்.

நார்த் வீல்ட் (North Weald ) விமான நிலையத்திலிருந்து புறப்பட்ட குறித்த விமானம் நேற்று மதியம் விபத்தில் சிக்கியதாக கூறப்படுகிறது.

பொதுமக்கள் அளித்த தகவலின் பேரில் சம்பவ இடத்திற்கு விரைந்த அவசரகால மீட்பு பணியாளர்கள் உயிரிழந்த இருவரின் சடலங்களை  மீட்டுள்ளனர்.

விபத்துக்கான காரணம் குறித்து விமான விபத்துகள் புலனாய்வுப் பிரிவு (AAIB) விசாரணையைத் தொடங்கியுள்ளதாகவும் தெரிவிக்கப்பட்டுள்ளது.