போதைப் பொருள் தொடர்பான சோதனைகளில் 9,000-க்கும் மேற்பட்ட சிறுவர்கள் கைது

கடந்த ஆண்டு அக்டோபர் 30, 2025 முதல் இன்று வரை நாடு முழுவதும் நடத்தப்பட்ட போதைப்பொருள் தொடர்பான சோதனைகளில் 9,000-க்கும் மேற்பட்ட சிறுவர்கள் மற்றும் இளைஞர்கள் கைது செய்யப்பட்டுள்ளதாக இலங்கை காவல்துறை தெரிவித்துள்ளது.

கைது செய்யப்பட்டவர்களில் 8 முதல் 14 வயதுக்குட்பட்ட சிறுவர்களும் அடங்கியிருப்பது மிகுந்த கவலையளிப்பதாக காவல்துறை ஊடகப் பேச்சாளரும் உதவிப் பொலிஸ் அத்தியட்சகருமான எஃப். யு. வூட்லர் (F. U. Wootler) தெரிவித்தார்.

இது தொடர்பில் கருத்து வெளியிட்டுள்ள அவர், “உலக சிறுவர் தினத்தை நாம் நினைவுகூரும் இவ்வேளையில், அக்டோபர் 30, 2025 முதல் நேற்று வரை, போதைப்பொருள் தொடர்பான பல்வேறு குற்றச்சாட்டுகளின் பேரில் 8 முதல் 21 வயதுக்குட்பட்ட 9,105 சிறுவர்கள் மற்றும் இளைஞர்களைக் கைது செய்ய வேண்டியிருந்ததை மிகுந்த வருத்தத்துடன் தெரிவித்துக்கொள்கிறேன்.

இவர்களில் 8,932 பேர் ஆண் இளைஞர்கள், 173 பேர் இளம் பெண்கள் மற்றும் 11 பேர் 8 முதல் 14 வயதுக்குட்பட்ட சிறுவர்கள் ஆவர்.”