பிரித்தானியாவின் புதிய குடியேற்ற முன்மொழிவுக்கு எதிராக சட்டநடவடிக்கை – புலம்பெயர்ந்தோர் கூட்டமைப்பு தீர்மானம்

பிரித்தானிய உள்துறை அமைச்சர் ஷபான மஹ்மூத் முன்வைத்துள்ள குடியேற்ற திட்டங்களுக்கு கடுமையான எதிர்ப்பு கிளம்பியுள்ளது.

குறிப்பாக புலம்பெயர்ந்தோர் பிரித்தானியாவில் நிரந்த குடியேற்றங்களை பெற 10 ஆண்டுகள் வரை காத்திருக்க வேண்டும் என்ற முன்மொழிவு அரசியல் மற்றும் சமூக மட்டத்தில் பல கொந்தளிப்பை ஏற்படுத்தியுள்ளது.

இந்நிலையில் பிரித்தானியா முழுவதும் உள்ள ஆயிரக்கணக்கான புலம்பெயர் தொழிலாளர்களைப் பிரதிநிதித்துவப்படுத்தும் திறன்மிகு புலம்பெயர்ந்தோர் கூட்டமைப்பு, இந்த குடியேற்ற திட்டங்களுக்கு எதிராக சட்ட நடவடிக்கை எடுக்க தயாராகி வருவதாக தகவல் வெளியாகியுள்ளது.

இதற்கமைய இவ் அமைப்பானது முறையான சட்ட ஆலோசனைகளை பெற்று மேலதிக சட்டநடவடிக்கைகளை மேற்கொள்வதற்காக இதுவரை 25000 பவுண்ட்ஸ் நிதியை சேகரித்துள்ளதாகவும் அறிவிக்கப்பட்டுள்ளது.

மேலும் சாத்தியமான நீதித்துறை மறுஆய்வுக்கு முன்னதாக ஒரு முறையான முன்-நடவடிக்கை நெறிமுறைக் கடிதத்தைத் தயாரித்து வருவதாகவும் கூறப்படுகிறது.

ஏற்கனவே உள்ள ஐந்தாண்டு குடியேற்ற வழிமுறையின் கீழ் வந்த புலம்பெயர்ந்தோருக்குப் புதிய விதிகளைப் பின்னோக்கிப் பயன்படுத்துவது நியாயமற்றது என்று இந்தக் கூட்டமைப்பு வாதிடுகிறது.

அவர்களில் பலர், தாங்கள் வந்தபோது நடைமுறையில் இருந்த விதிகளின் அடிப்படையில் குறிப்பிடத்தக்க தனிப்பட்ட மற்றும் நிதி அர்ப்பணிப்புகளைச் செய்து, பிரித்தானியாவில் தங்கள் வாழ்க்கை, தொழில் மற்றும் குடும்பங்களை உருவாக்கியுள்ளனர் எனவும் அவ் அமைப்பு சுட்டிக்காட்டியுள்ளது.

இந்தக் குழு குடியேற்றச் சீர்திருத்தத்தை எதிர்க்கவில்லை. தற்போதுள்ள திறன்மிகு தொழிலாளர்களைப் பாதுகாக்க நியாயமான இடைக்கால ஏற்பாடுகளை மேற்கொள்ளுமாறு அரசாங்கத்தை வலியுறுத்துவதாகவும் தெரிவிக்கப்பட்டுள்ளது.