போர்நிறுத்த பேச்சுவார்த்தைகளை தொடங்க ஈரான் நிபந்தனை

அமெரிக்காவுடனான தற்போதைய போரை முடிவுக்குக் கொண்டுவருவதை நோக்கமாகக் கொண்ட பேச்சுவார்த்தைகளுக்குத் திரும்புவதற்கு ஈரான் நிபந்தனைகளை விதித்துள்ளதாக தகவல் வெளியாகியுள்ளது.

அதன்படி, கத்தார் மத்தியஸ்தர்கள் மூலம் இந்த நிபந்தனைகள் வெள்ளை மாளிகைக்குத் தெரிவிக்கப்பட்டுள்ளதாக  ஈரானின் உயர்மட்டப் பாதுகாப்பு அதிகாரி மொஹ்சென் ரெஸாயி தகவல் தெரிவித்துள்ளார்.

இந்த நிபந்தனைகளில், அனைத்து முனைகளிலும் போரை முடிவுக்குக் கொண்டுவருவது, தடைசெய்யப்பட்ட ஈரானிய சொத்துக்களை விடுவிப்பது, மற்றும் ஈரானிய துறைமுகங்கள் மீதான அமெரிக்கக் கடற்படைத் தடைகளை நீக்குவது ஆகியவை அடங்கும்.

அமைதிப் பேச்சுவார்த்தைகளை மீண்டும் தொடங்குவதற்காக அமெரிக்கா மீது மொத்தம் 7 நிபந்தனைகளை விதித்துள்ள ஈரான், போரை முடிவுக்குக் கொண்டுவர விரும்பினால், ஈரானின் உரிமைகளையும் நிபந்தனைகளையும் அது ஏற்றுக்கொள்ள வேண்டும் என்று கூறுகிறது.

அதன்படி, போரிலிருந்து விடுபட விரும்பினால், இந்த நிபந்தனைகளை ஏற்றுக்கொள்வதைத் தவிர அமெரிக்காவிற்கு வேறு வழியில்லை என்று அவர் கூறியதாக வெளிநாட்டு ஊடக அறிக்கைகள் தெரிவிக்கின்றன.