அவசரகாலங்களிலும் குடிமக்களை பாதுகாக்கும் இந்தியா – பியூஷ் கோயல் நெகிழ்சி

அவசர காலங்களில் உலகின் பல்வேறு நாடுகளில் சிக்கித் தவிக்கும் இந்தியக் குடிமக்களின் பாதுகாப்பையும் நல்வாழ்வையும் இந்தியா தொடர்ந்து உறுதி செய்து வருகிறது என்று இந்திய வர்த்தக மற்றும் தொழில்துறை அமைச்சர் பியூஷ் கோயல் கூறினார்.

ஜெர்மனியின் பெர்லினில் நடைபெற்ற ஒரு நிகழ்வில் உரையாற்றிய அமைச்சர், அவசர காலங்களில் பல நாடுகள் பயண ஆலோசனைகளை வழங்குவதோடு தங்களை மட்டுப்படுத்திக் கொள்கின்றன என்று சுட்டிக்காட்டினார்.

இருப்பினும், பாதுகாப்பாக தாயகம் திரும்ப விரும்பும் தனது குடிமக்களை மீட்டு வர இந்தியா நடைமுறை நடவடிக்கைகளை எடுத்து வருவதாக அவர் கூறினார்.

மேலும், இந்தியர்கள் மட்டுமின்றி, நெருக்கடிப் பகுதிகளில் சிக்கித் தவித்த பிற நாட்டு குடிமக்களை மீட்பதிலும் இந்தியா உதவியுள்ளது என்றும் அவர் கூறினார்.

உக்ரைன் போரின் போது மேற்கொள்ளப்பட்ட மீட்பு நடவடிக்கைகளை பிரதமர் நரேந்திர மோடி நேரில் பார்வையிட்டார் என்றும் இந்திய வர்த்தக மற்றும் தொழில்துறை அமைச்சர் தெரிவித்துள்ளார்.

சவாலான மற்றும் கடினமான காலங்களில் தனது குடிமக்களைப் பாதுகாப்பதற்கும், அவர்கள் பாதுகாப்பாகத் திரும்புவதை உறுதி செய்வதற்கும் இந்தியா கொண்டுள்ள அர்ப்பணிப்பை இந்த உறுதிமொழிகள் வெளிப்படுத்துகின்றன என்று அமைச்சர் மேலும் வலியுறுத்தினார்.