சமையல் எரிவாயுவின் விலைகள் அதிகரிப்பு

சமையல் எரிவாயுவின் விலைகள் இன்று நள்ளிரவு முதல் அதிகரிக்கப்படவுள்ளதாக அறிவிக்கப்பட்டுள்ளது.

இதற்கமைய  லாக்ஃப்ஸ் கேஸ் நிறுவனத்தின் 12.5 கிலோ  எரிவாயுவின் விலை 1,775  ரூபாய் அதிகரிக்கப்பட்டு 6,740 ரூபாய்க்கு விற்பனை செய்யப்படவுள்ளது.

இதேபோல்,  1,988 ரூபாயாக  இருந்த 5 கிலோ  எரிவாயுவின் விலை  732  ரூபாய் உயர்த்தப்பட்டு,  2,720 ரூபாயாக அதிகரிக்கப்பட்டுள்ளது.

சர்வதேச சந்தையில் நிலவும் விலைகளுக்கு ஏற்ப இலங்கைக்கான எரிவாயு இருப்புகளை வாங்கும் செலவு அதிகரித்ததே இந்த விலை மாற்றத்திற்குக் காரணம் என்று அந்நிறுவனம் கூறுகிறது.

இருப்பினும், தனது விநியோகஸ்தர் வலையமைப்பு மூலம் தொடர்ச்சியான எரிவாயு விநியோகத்தைப் பராமரிக்க அனைத்து முயற்சிகளும் மேற்கொள்ளப்படும் என்று லாக்ஃப்ஸ் கேஸ் நிறுவனம் உறுதிப்படுத்தியுள்ளது.

மேலும், வாடிக்கையாளர்கள் 1345 என்ற எண்ணை அழைப்பதன் மூலம் மாவட்ட வாரியாக எரிவாயு நிரப்பும் இடங்கள் மற்றும் விலைகள் குறித்த தகவல்களைப் பெறலாம் என்றும் அந்நிறுவனம் தெரிவித்துள்ளது.