ஐரோப்பிய ஒன்றியத்தின் மின்சார வரித் திட்டத்திற்கு ஜெர்மனி எதிர்ப்பு

ஐரோப்பிய ஒன்றியத்தின் மின்சார வரித் திட்டத்திற்கு எதிர்ப்பு தெரிவித்து வரும் ஜேர்மனி, இந்த திட்டம்  தேசிய இறையாண்மைக்கு அச்சுறுத்தலாக உள்ளது எனவும் விமர்சித்துள்ளது.

அதிகரித்த மின்சார விலைகளுக்கு மத்தியில், பிரஸ்ஸல்ஸ் தனது தொழில், போக்குவரத்து மற்றும் எரிசக்தித் துறைகளை மின்மயமாக்குவதில் தீவிரமாக ஈடுபட்டுள்ளது.

இந்நிலையில், ஐரோப்பிய ஒன்றிய வரி நடவடிக்கைகளுக்குப் பாரம்பரியமாகத் தேவைப்படும் ஒருமித்த கருத்துக்குப் பதிலாக, தகுதிவாய்ந்த பெரும்பான்மையால் ஏற்றுக்கொள்ளப்படக்கூடிய ஒரு சட்டக் கருவி மூலம் இந்த திட்டத்தை அமுல்படுத்த ஐரோப்பிய ஒன்றியம் முயல்கிறது என்று பெர்லின் வாதிடுகிறது.

அத்துடன் முக்கியமான நீர்வழியான ஹார்முஸ் ஜலசந்தியின் எதிர்காலம் குறித்த நிச்சயமற்ற தன்மையானது, மின்மயமாக்கலைத் தொடரவும், இறக்குமதி செய்யப்படும் புதைபடிவ எரிபொருட்களைச் சார்ந்திருக்கும் நிலையைக் குறைக்கவும் பிரஸ்ஸல்ஸுக்கு மேலும் உத்வேகம் அளிக்கிறது.

ஆனால், ஐரோப்பிய ஒன்றியம் முழுவதும் புதைபடிவ எரிவாயுவை விட மின்சாரம் இன்னும் கணிசமாக விலை உயர்ந்ததாகவே உள்ளது.

எரிவாயுவை விட மூன்று முதல் ஐந்து மடங்கு அதிகமாகக் கட்டணம் வசூலிக்கப்படுவதால், வீடுகளும் வணிகங்களும் தூய்மையான தொழில்நுட்பங்களுக்கு மாறுவது கடினமாகிறது.

இறக்குமதி செய்யப்படும் புதைபடிவ எரிபொருட்களைக் கைவிடும் முயற்சியில், 2040-ஆம் ஆண்டுக்குள் 46 சதவீதம் மின்மயமாக்கலை விரைவுபடுத்தும் இலக்கை ஐரோப்பிய ஒன்றியம் நிர்ணயித்துள்ள நிலையில் ஜெர்மனியின் எதிர்ப்பு வந்துள்ளமை குறிப்பிடத்தக்கது