ஒரு வாக்கால் வெற்றியை பறிகொடுத்த முன்னாள் அமைச்சர்!

தமிழக சட்டபேரவைத் தேர்தலில் சிவகங்கை திருப்பத்தூர் தொகுதியில் தி.மு.க. வேட்பாளர் பெரிய கருப்பன், ஒரு வாக்கு வித்தியாசத்தில் தோல்வி அடைந்துள்ளார்.

முன்னாள் அமைச்சரான அவரின் இந்த தோல்வி தொண்டர்கள் மத்தியில் பெரும் சோகத்தை ஏற்படுத்தியுள்ளது.

சிவகங்கை மாவட்டம் திருப்பத்தூர் சட்டமன்ற தொகுதியில் போட்டியிட்ட சீனிவாச சேதுபதி தவெகவின் வெற்றியை 108ஆக மாற்றுவதற்கு மிகப்பெரிய போராட்டத்தை நடத்தியுள்ளார்.

திமுக வேட்பாளர் பெரியகருப்பனுக்கும், தவெக வேட்பாளர் சீனிவாச சேதுபதிக்கும் இடையே இறுதிவரை இழுபறி நீடித்த நிலையில், இறுதிசுற்றில் இருவருக்கும் இடையே 30 வாக்குகள் வித்தியாசம் இருந்தது.

இப்படியான பரபரப்பான சூழலில் வாக்கு எண்ணிக்கையின் முடிவில் வெறும் 1 வாக்கு வித்தியாசத்தில் தவெக வேட்பாளர் சீனிவாச சேதுபதி வெற்றியை தட்டிச்சென்று வரலாறு படைத்தார்.

சீனிவாச சேதுபதி 83,375 வாக்குகள் பெற்ற நிலையில், பெரிய கருப்பன் 83,374 வாக்குகள் பெற்றார்.