ஞானசார தேரருக்கு மன்னிப்புகோரி பௌத்த பிக்குகள் களத்தில்

கலகொட அத்தே ஞானசார தேரருக்கு ஜனாதிபதி பொதுமன்னிப்பு வழங்குமாறு ஜனாதிபதி அநுரகுமார திஸாநாயக்கவிடம் கோரிக்கை விடுக்கின்றோம் – என்று மகிந்தலை ரஜமஹா விகாரையின் விகாராதிபதி வலவாஹெங்குனவெவே தம்மரதன தேரர் தெரிவித்தார்.

இது தொடர்பில் அவர் மேலும் கூறியவை வருமாறு,

“ நீதிமன்றத்தை அவமதித்த குற்றத்துக்காக கலகொட அத்தே ஞானசார தேரருக்கு சிறை தண்டனை விதிக்கப்பட்டிருந்தது. எனினும், முன்னாள் ஜனாதிபதி மைத்திரிபால சிறிசேன ஆட்சிகாலத்தில் அவருக்கு ஜனாதிபதி மன்னிப்பு வழங்க நடவடிக்கை எடுக்கப்பட்டது.

ஆனால் மன்னிப்பு வழங்கப்பட்ட விதம் பிழையென தற்போது கூறப்படுகின்றது. இது அதிகாரிகள் பக்கத்தில் இழைக்கப்பட்டுள்ள தவறாகும்.

எனவே, ஞானசார தேரருக்கு ஜனாதிபதி மன்னிப்பு வழங்க நடவடிக்கை எடுக்குமாறு ஜனாதிபதி அனுரகுமார திஸாநாயக்கவிடம் கோரிக்கை விடுக்கின்றோம். இதனைகோரி அனைத்து இன மக்களின் ஒரு கோடி கையொப்பங்களுடன் ஜனாதிபதிக்கு மனுவொன்றை கையளிக்கவுள்ளோம்.”- என்றார்.

அதேவேளை, பத்தமுல்ல சீலரத்தன தேரர் உள்ளிட்ட பௌத்த பிக்குகள், கையொப்பம் திரட்டும் நடவடிக்கையில் ஈடுபட்டுள்ளனர்.