கொழும்பில் 5 நட்சத்திர ஹோட்டலுக்கு நண்பருடன் சென்றவருக்கு காத்திருந்த அதிர்ச்சி

கொழும்பில் உள்ள 5 நட்சத்திர ஹோட்டல் ஒன்றில் உறங்கிக் கொண்டிருந்த தனது வர்த்தக நண்பரின் பையில் வைத்திருந்த 50 லட்சம் ரூபா பணத்துடன் மற்ற நண்பர் தப்பிச் சென்றுள்ளதாக கொள்ளுப்பிட்டி பொலிஸார் தெரிவித்துள்ளனர்.

பணத்தை திருடிவிட்டு தப்பிச் சென்ற முறைப்பாட்டாளரான வர்த்தகரும் அவரது நண்பரும் பாடசாலையில் இருந்தே நண்பர்களாக இருந்தவர்களாகும்.

வாகனம் ஒன்றை வாங்க வந்த இருவரும் ஹோட்டல் அறையில் மது அருந்தியுள்ளதாக பொலிஸ் விசாரணைகளில் தெரியவந்துள்ளது.

வர்த்தக நண்பர் அளவுக்கு அதிகமாக மது அருந்தியதால் தூங்கியதையடுத்து சந்தேகநபர்பணத்துடன் தப்பிச் சென்றுள்ளதாக பொலிஸார் தெரிவிக்கின்றனர்.

முறைப்பாடு செய்த வர்த்தகர் கஹவ பகுதியைச் சேர்ந்தவர் எனவும், தப்பிச் சென்ற சந்தேகநபர் கொஸ்கொட பகுதியைச் சேர்ந்தவர் எனவும் பொலிஸார் தெரிவிக்கின்றனர்.

கொள்ளுப்பிட்டி பொலிஸ் நிலையப் பொறுப்பதிகாரி பிரதான பொலிஸ் பரிசோதகர் எச்.எல்.துஷ்மந்தவின் பணிப்புரைக்கமைய, குற்றப் புலனாய்வுப் பிரிவின் நிலையத் தளபதி பொலிஸ் பரிசோதகர் மனதுங்க உள்ளிட்ட குழுவினர் விசாரணைகளை மேற்கொண்டு வருகின்றனர்.

தொடர்புடைய செய்திகள்:

கடன் மறுசீரமைப்பு திட்டத்தை இம்மாதத்தில் அறிவிக்க திட்டம்! புத்தளத்தில் கந்தக இலைகள் கைப்பற்றப்பட்டன! இலங்கையில் வீடுகளுக்கே சென்று பால் விநியோகிக்கும் வேலைதிட்டம்! டாக்கா சர்வதேச திரைப்பட விழாவில் விருது பெற்ற இலங்கை இயக்குனர்