எல்லைக் கடந்து நடைபெறும் மாபெரும் போராட்டம் – 07 ஐரோப்பிய நாடுகள் இணைவு
ஐரோப்பிய நாடுகளில் அதிகரித்துவரும் வாழ்க்கை செலவு நெருக்கடி மற்றும் இராணுவமயமாக்கல் ஆகியவற்றை எதிர்த்து எல்லை கடந்த ஆர்ப்பாட்டங்களில் ஈடுபட மக்கள் தயாராகி வருகின்றனர்.
இந்த மாபெரும் ஆர்ப்பாட்டமானது வரும் நவம்பர் 20 அன்று நடைபெறவுள்ளது.
பிரான்ஸ், பிரிட்டன், பெல்ஜியம், ஸ்பெயின், இத்தாலி, போர்ச்சுகல் மற்றும் கிரீஸ் ஆகிய நாடுகளைச் சேர்ந்த தொழிற்சங்கங்களும் ஆர்வலர்களும், எல்லைக்கடந்த இந்த ஆர்ப்பாட்டத்தில் இணையவுள்ளனர்.
ஸ்பெயின், பிரான்ஸ், இத்தாலி மற்றும் கிரீஸ் ஆகிய நாடுகளில் முக்கிய தேர்தல்கள் நடைபெறவுள்ள நிலையில் இந்த போராட்டங்கள் வலுப்பெற்று வருகின்றன.
25இற்கும் மேற்பட்ட நாடுகளில் உள்ள இளைஞர்கள் இந்தப் போராட்டங்களில் இணைவார்கள் என எதிர்பார்க்கப்படுவதாக இளைஞர்கள் தலைமையிலான கூட்டணி ஒன்று தெரிவித்துள்ளது.




