கரோலினாவில் மண்ணில் புதைக்கப்பட்டிருந்த பச்சிளங் குழந்தை உயிருடன் மீட்பு

தெற்கு கரோலினாவில் மண்ணில் புதைக்கப்பட்ட 11 மாதங்களே ஆன ஆண் குழந்தையொன்று நேற்று உயிருடன் மீட்கப்பட்டுள்ளது.

குறித்த குழந்தையானது சுமார் 24 மணிநேரம் மண்ணில் புதைக்கப்பட்டிருக்கலாம் என பொலிஸார் சந்தேகிக்கின்றனர்.

கோவா ஷார்ப் (Koah Sharpe) என்ற அந்தப் பச்சிளம் குழந்தை,  நாய் கூண்டுக்குள் துணியால் சுற்றப்பட்ட நிலையில், காட்டுப்பகுதியில் மேலோட்டமாக மண்ணில் புதைக்கப்பட்டிருந்தது என்று லெக்சிங்டன் கவுண்டி ஷெரிப் அலுவலகம் தெரிவித்துள்ளது.

இது தொடர்பில் கருத்து வெளியிட்டுள்ள லெக்சிங்டன் கவுண்டி ஷெரிப் ஜே கூன், நிச்சயமாக இறைவன் கருணையுள்ளவர். சற்று நேரத்திற்கு முன்புதான், 11 மாதக் குழந்தையான கோவாவை உயிருடன் மீட்டோம்.

அவன் உயிர் பிழைக்கப் போராடிக்கொண்டிருந்தான்; அழுதுகொண்டிருந்தான். ஒரு குழந்தை அழுவதைக் கேட்பது, நீங்கள் இதுவரை கேட்டிராத மிக மகிழ்ச்சியான ஒலியாக இருந்தது,” என்று தெரிவித்தார்.

மேலும் குழந்தையின் தந்தையான மைக்கேல் கோமர், கைது செய்யப்பட்டுள்ளதாகவும் அறிவிக்கப்பட்டுள்ளது.