பொழுதுபோக்கு

2023இல் அதிக லாபம் ஈட்டிய 7 இந்திய படங்கள்.. 3 தமிழ் படங்களும் இருக்கு….

ஒவ்வொரு ஆண்டும் நூற்றுக்கணக்கான திரைப்படங்களே விமர்சன ரீதியாகவும் வசூல் ரீதியாகவும் போதிய வரவேற்பை பெற்று பிளாக்பஸ்டர் ஹிட் படங்களாக மாறுகின்றன.

அந்த வகையில் 2023-ல் இந்திய அளவில் லாபகரமான 7 படங்கள் குறித்து தகவல் வெளியாகி உள்ளது.

இந்த 7 படங்களில் 3 தமிழ் படங்கள் என்பது கூடுதல் சிறப்பு.

பொன்னியின் செல்வன் பாகம்

பொன்னியின் செல்வன் பாகம் 1-ன் பிரம்மாண்ட வெற்றியை தொடர்ந்து, இந்த ஆண்டு ஏப்ரல் 28-ம் தேதி பொன்னியின் செல்வன் 2 வெளியானது. மணி ரத்னம் இயக்கிய இப்படத்தில் விக்ரம், கார்த்தி, ஜெயம் ரவி, ஐஸ்வர்யா ராய், த்ரிஷா, பிரகாஷ் ராஷ், ஜெயராம், சரத்குமார் உள்ளிட்ட பலர் நடித்திருந்தனர். 250 கோடி பட்ஜெட்டில் உருவான இப்படம் உலகளவில் ரூ.344 கோடி வசூல் செய்து சாதனை படைத்தது. இதன் மூலம் இப்படம் 2023-ம் ஆண்டின் அதிக லாபம் ஈட்டிய படங்களில் ஒன்றாக மாறி உள்ளது.

ராக்கி ஆர் ராணி கி பிரேம் கஹானி (Rocky Aur Rani Kii Prem Kahaani) :

பாலிவுட் இயக்குனர் கரண் ஜோஹர் இயக்கிய இந்த படம் இந்த ஆண்டு ஜூலை 18ம் தேதி வெளியானது. இந்த படத்தில் ரன்வீர் சிங், ஆலியா பட், ஜெயா பச்சன் உள்ளிட்ட பலர் நடித்திருந்தனர். இந்த படத்திற்கு பாசிட்டிவான விமர்சனங்கள் கிடைத்த நிலையில், வசூல் ரீதியிலும் சாதனை படைத்தது. ரூ.150 கோடி பட்ஜெட்டில் உருவான இப்படம் உலகளவில் ரூ.357 கோடி வசூல் செய்தது. கிட்டத்தட்ட 2 மடங்கு லாபம் ஈட்டியதால் இந்த படம் இந்தியாவின் லாபகரமான படங்களில் இடம்பெற்றுள்ளது.

லியோ :

லோகேஷ் கனகராஜ் இயக்கத்தில் நடிகர் விஜய் நடிப்பில் மிகுந்த எதிர்ப்பார்ப்புக்கு மத்தியில் கடந்த மாதம் 19-ம் தேதி வெளியான படம் லியோ. இந்த படத்தில் சஞ்சய் தத், அர்ஜுன், த்ரிஷா, மிஷ்கின், கௌதம் வாசுதேவ் மேனன், சாண்டி, மன்சூர் அலிகான், பிரியா ஆனந்த், மேத்யூ தாமஸ், மடோனா செபாஸ்டின் என பலர் நடித்திருந்தனர். கலவையான விமர்சனங்களை பெற்றாலும் இப்படம் பாக்ஸ் ஆபிஸில் பல சாதனைகளை முறியடித்து வருகிறது. ரூ. 250 கோடி பட்ஜெட்டில் உருவான இந்த படம் இதுவரை உலகளவில் ரூ.544.5 கோடி வசூல் செய்து இந்தியாவின் லாபகரமான படங்களில் மாறி உள்ளது.

கடார் 2 :

2001-ம் ஆண்டு ஹிந்தியில் வெளியான கடார் படத்தின் 2-ம் பாகமாக உருவான கடார் 2 கடந்த ஆகஸ்ட் 11-ம் தேதி வெளியானது. அனில் ஷர்மா இயக்கிய இந்த படத்தில் சன்னி தியோல், அமீஷா படேல், உத்கரேஷ் ஷர்மா உள்ளிட்ட பலர் நடித்திருந்தனர். இந்த படத்திற்கு நல்ல வரவேற்பு கிடைத்த நிலையில் 2023-ம் ஆண்டின் மிகப்பெரிய வெற்றிப் படங்களில் ஒன்றாக மாறி உள்ளது. ரூ.85 கோடி பட்ஜெட்டில் உருவான இந்த படம், உலகளவில் ரூ.687.8 கோடி வசூல் செய்து மிகப்பெரிய லாபம் கொடுத்த படமாக உள்ளது.

பதான் :

பாலிவுட் கிங் ஷாருக்கான் நடிப்பில், சித்தார்த் ஆனந்த் இயக்கத்தில் உருவான பதான் இந்த ஆண்டு ஜனவரி 25-ம் தேதி வெளியானது. தீபிகா படுகோன், ஜான் ஆபிரகாம், டிம்பிள் கபாடியா உள்ளிட்ட பலர் இந்த படத்தில் நடித்திருந்தனர். இப்படத்திற்கு பாசிட்டிவான விமர்சனங்கள் கிடைத்த நிலையில், ஹிந்தி பாக்ஸ் ஆபீஸ் வசூலில் பல சாதனைகளை படைத்தது. ரூ.250 கோடி பட்ஜெட்டில் உருவான இந்த படம் உலகளவில் ரூ.1050.8 கோடி வசூல் செய்து இந்த ஆண்டின் மிகவும் லாபகரமான படங்களில் ஒன்றாக உள்ளது.

ஜவான் :

தமிழ் இயக்குனர் பாலிவுட்டில் இயக்குனராக அறிமுகமான படம் தான் ஜவான். ஷாருக்கான் ஹீரோவாக நடித்த இந்த படத்தில் விஜய் சேதுபதி, நயன்தாரா, தீபிகா படுகோன், பிரியா மணி, சன்யா மல்ஹோத்ர் உள்ளிட்ட பலர் நடித்திருந்தனர். இந்த படத்திற்கு ரசிகர்கள் மத்தியில் மிகுந்த வரவேற்பு கிடைத்ததால் பல பாக்ஸ்சாதனைகளை இந்த படம் முறியடித்தது. ரூ.300 கோடி பட்ஜெட்டில் உருவான இந்த படம் ரூ.1145.4 கோடி வசூல் இந்தியாவின் அதிக வசூல் செய்த படங்களிலும், இந்தியாவின் அதிக லாபம் ஈட்டிய படங்களிலும் இடம்பெற்றுள்ளது.

(Visited 7 times, 1 visits today)

MP

About Author

Leave a comment

Your email address will not be published. Required fields are marked *

You may also like

பொழுதுபோக்கு

ஆஸ்கர் விருதை தட்டிச் சென்ற நாட்டு நாட்டு பாடல் – ரசிகர்கள் மகிழ்ச்சி

ஆர்.ஆர்.ஆர் திரைப்படத்தில் இடம்பெற்ற நாட்டு நாட்டு பாடலுக்கு ஆஸ்கார் விருது கிடைத்துள்ளது. சிறந்த பாடல் பிரிவில் அந்த பாடல் ஆஸ்கார் விருது வென்றுள்ளது. சினிமா உலகின் மிக
பொழுதுபோக்கு

பாண்டியர்களின் ஆட்டம் ஆரம்பம் : யாத்திசை படத்தின் முதல் நாள் வசூல் விபரம்!

  • April 23, 2023
பாண்டியர்களின் வீரவரலாற்றை சொல்லும் யாத்திசை திரைப்படம் நேற்று திரையறங்குகளில் வெளியாகி நல்ல விமர்சனத்தை பெற்று வருகிறது. அறிமுக இயக்குனர் தரணி ராசேந்திரன் இயக்கத்தில் புது முகங்களான சேயோன்

You cannot copy content of this page

Skip to content