மாகாணசபைத் தேர்தலை நடத்தாமல் அதன் நிர்வாகத்தை ஆளுநர் ஊடாக முன்னெடுத்து வருவது ஜனநாயக விரோதச் செயலாகும் என்று தேர்தல் ஆணைக்குழுவின் முன்னாள் தலைவர் மஹிந்த தேசப்பிரிய தெரிவித்தார். தேர்தல் ஆணைக்குழுவில் நடைபெற்ற நிகழ்வொன்றின் பின்னர் ஊடகங்களிடம் கருத்து வெளியிடுகையிலேயே அவர் இவ்வாறு கூறினார். “ மாகாணசபைத் தேர்தல் ஒரு வருடத்துக்குள் நடத்தப்படும் என தேர்தல் விஞ்ஞாபனத்தில் உறுதியளிக்கப்பட்டதால், அதனை நடத்தாமல் ஆளுநர்கள் ஊடாக நிர்வாகத்தை முன்னெடுப்பது சட்டவிரோதமாகும். மக்கள் சபையை நிர்வகிக்க வேண்டுமெனில் மக்கள் வாக்களிப்புமூலம் தெரிவுசெய்யப்பட்ட […]

இரத்தினபுரியில் 12 மணித்தியாலமாக தொடர்ச்சியாக பெய்த மழையின் காரணமாக தாழ்வான பகுதிகளில் வெள்ளப்பெருக்கு ஏற்பட்டுள்ளதாக பேரிடர் மேலாண்மை மையம் அறிவித்துள்ளது. குருவிட்ட, எலபாத மற்றும் கிரியெல்ல உள்ளிட்ட பகுதிகளில் வெள்ளப்பெருக்கு ஏற்பட்டுள்ளது. அதே நேரத்தில் இப்பகுதியில் உள்ள பல சாலைகள் மற்றும் ரத்தினச் சுரங்கங்கள் நீரில் மூழ்கியுள்ளதாகவும் அறிவிக்கப்பட்டுள்ளது. தொடர்ச்சியான மழை மற்றும் வெள்ளம் காரணமாக போக்குவரத்து பாதிப்பு ஏற்பட்டதுடன், மக்களின் வாழ்வதாரமும் பாதிக்கப்பட்டுள்ளதாக பேரிடர் மேலாண்மை மையம் குறிப்பிட்டுள்ளது.

ஜனாதிபதி அனுரகுமார திஸாநாயக்க நாளைய தினம் சமர்ப்பிக்கவுள்ள வரவு செலவு திட்டம் குறித்து மக்களின் கருத்துக்களை கோர எதிர்கட்சியினர் முடிவு செய்துள்ளனர். இது தொடர்பில் ஊடகங்களுக்கு கருத்து வெளியிட்டுள்ள எதிர்க்கட்சித் தலைமை கொறடா கயந்த கருணாதிலக, பொதுமக்கள் தங்கள் கருத்துக்களை oppositionleaderoffice@gmail.com அல்லது WhatsApp 0702067296 என்ற முகவரிக்கு அனுப்புமாறு கேட்டுக் கொள்ளப்படுவார்கள் எனக் கூறியுள்ளார். வரவு செலவு திட்டம் மீதான குழுநிலை விவாதத்தின்போது பொதுமக்களின் கருத்துக்களை நாங்கள் முன்னிலைப்படுத்துவோம்” என்றும் அவர் மேலும் குறிப்பிட்டுள்ளார்.