கண்டி மாவட்டத்தின் பல பிரதேசங்களில் இன்று (08) பிற்பகல் முதல் பெய்து வரும் கடும் மழை காரணமாக கண்டி யாழ்ப்பாணம் ஏ 09 வீதியில் உள்ள அக்குறணை நகரம் வெள்ளத்தில் மூழ்கியுள்ளது. அக்குரணை நகரின் ஊடாக பாயும் பிக்க ஓயா மற்றும் வஹகல ஓயா பெருக்கெடுத்து ஓடுவதால் அக்குரணை நகரின் பிரதான வீதிகள் வெள்ளத்தில் மூழ்கியுள்ளதுடன் ஹத்தே கன்வான, குடுகல உள்ளிட்ட பிரதேசங்களும் நீரில் மூழ்கியுள்ளதாக தெரிவிக்கப்படுகின்றது. அக்குறணை வெள்ளத்தில் மூழ்கியதால் கண்டி – யாழ்ப்பாணம் ஏ-09 […]

நாரஹேன்பிட்டியில் உள்ள மோட்டார் போக்குவரத்து திணைக்களத்தின் தலைமை அலுவலகம் நவம்பர் 13 மற்றும் 14 ஆம் திகதிகளில் சாதாரண கடமைகளுக்காக மூடப்படும் என மோட்டார் வாகன திணைக்களம் அறிவித்துள்ளது. பொதுத் தேர்தலின் போது அந்த அலுவலகத்தை பொதுப் பணிகளுக்காக வாக்களிப்பு நிலையங்களாகப் பயன்படுத்தியமையே அதற்குக் காரணம். கிழக்கு கொழும்பு 6 மற்றும் 7 ஆகிய தொகுதிகளில் இந்த அலுவலகம் வாக்களிப்பு நிலையமாக பயன்படுத்தப்படவுள்ளதால் அதற்கான வசதிகள் ஏற்படுத்தப்படும் என மோட்டார் வாகன திணைக்களம் விடுத்துள்ள அறிவிப்பில் தெரிவிக்கப்பட்டுள்ளது.

எதிர்வரும் பொதுத் தேர்தலுடன் தொடர்புடைய பிரசார நடவடிக்கைகள் எதிர்வரும் திங்கட்கிழமை நள்ளிரவு 12 மணியுடன் நிறைவடையவுள்ளன. அதன்படி, எதிர்வரும் 12ஆம் திகதி நாடாளுமன்றத் தேர்தலுக்கான அமைதிக் காலம் ஆரம்பமாகவுள்ளது. குறித்த நேரத்தில் எந்த பிரசாரமும் செய்யக் கூடாது. மேலும் வேட்பாளர்களின் குடும்பத்தினர் வாக்கு கேட்க முடியாது. வீடு வீடாகச் செல்ல முடியாது என அனைத்து வேட்பாளர்களும் கேட்டுக்கொள்ளப்படுகிறார்கள். அது சட்டவிரோத செயலாகும் எனவும் தேர்தல்கள் ஆணையாளர் நாயகம் தெரிவித்துள்ளார்.

எதிர்வரும் பொதுத் தேர்தலில் அனைத்து வாக்காளர்களையும் வாக்களிக்குமாறு தேர்தல்கள் ஆணைக்குழுவின் தலைவர் ஆர்.எம்.ஏ.எல். ரத்நாயக்க வேண்டுகோள் விடுத்துள்ளார். வாக்களிப்பது அரசியல் அரசியலமைப்பால் நாட்டின் பிரஜைகளுக்கு வழங்கப்பட்டுள்ள உரிமை, என்பதால் தமது வாக்கினை பயன்படுத்துமாறு அவர் கோரியுள்ளார். “வாக்களிப்பது என்பது அரசியலமைப்பு ஊடாக உங்களுக்கு வழங்குப்பட்டுள்ள உரிமையாகும். எனவே அந்த உரிமையைப் பயன்படுத்த வேண்டியது உங்களது கடமையாகும். வாக்களிப்பது உங்கள் உரிமை. வாக்கு உங்கள் பலம்… எனவே 14ஆம் திகதி காலை 7.00 மணி முதல் மாலை 4.00 […]