புத்தக வெளியீட்டிற்கு விதிக்கப்பட்டுள்ள 18 சதவீத வற் வரியை விரைவில் நீக்குவதற்கு அரசாங்கம் நடவடிக்கை எடுக்க வேண்டும் என இலங்கை புத்தக வெளியீட்டாளர்கள் சங்கம் தெரிவித்துள்ளது. இது தொடர்பான பிரேரணையை அடுத்த வரவு செலவுத் திட்டத்திற்கு பரிந்துரைப்பதாக ஜனாதிபதி உறுதியளித்துள்ளதாக சங்கத்தின் செயலாளர்  தினேஷ் குலதுங்க தெரிவித்தார். வற் வரி காரணமாக ஏற்பட்டுள்ள விலை அதிகரிப்பால் புத்தகங்களின் விற்பனை 30 வீதத்தால் குறைந்துள்ளதாகவும் அவர் சுட்டிக்காட்டியுள்ளார்.

இலங்கையின் வடமாகாணத்தில் பரவி வரும் மர்ம காய்ச்சலால் இதுவரை 05 பேர் உயிரிழந்துள்ளதாக அதிகாரிகள் அறிவித்துள்ளனர். இறந்தவர்கள் முறையே 20 முதல் 65 வயதுடையவர்கள் எனவும் கூறப்பட்டுள்ளது. அதேநேரம் அவர்கள் அனைவருக்கும் பொதுவான அறிகுறிகளாக சுவாச கோளாறு மற்றம் காய்ச்சல் இருந்ததாக தெரிவிக்கப்பட்டுள்ளது.

தேசிய ஜனநாயக முன்னணியின் (எரிவாயு சிலிண்டர்) தேசிய பட்டியல் பாராளுமன்ற உறுப்பினராக முன்னாள் அமைச்சர் பைசர் முஸ்தபாவின் பெயர் தேர்தல்கள் ஆணைக்குழுவினால் வர்த்தமானியில் வெளியிடப்பட்டுள்ளது.