சீனாவின் சீச்சுவான் (Sichuan) மாநிலத்தில் உள்ள ஒரு கடைத்தொகுதியில் ஏற்பட்ட பாரிய தீ விபத்தில் 16 பேர் உயிரிழந்துள்ளனர். தீவிபத்தில் சிக்கியவர்களை தேடும் மற்றும் மீட்பு நடவடிக்கைகள் தொடர்கின்றன. 13 மாடிக் கட்டடத்திலிருந்து சுமார் 30 பேர் மீட்கப்பட்டுள்ளனர். கடைத்தொகுதிக் கட்டடத்தின் கீழ்த்தளங்களிலிருந்து கரும்புகை வெளியேறும் காணொளிகளைச் சமூக ஊடகங்களில் பார்க்க முடிகிறது. தீப்பிடிக்க என்ன காரணம், நெருப்புப் பரவியபோது கட்டடத்தின் உள்ளே எத்தனை பேர் இருந்தனர் முதலிய விவரங்கள் தெரியவில்லை.

சீனாவின் ஹெனன் மாகாணத்தில் பெய்த கனமழையால் பாரிய சேதம் ஏற்பட்டுள்ளது. இதன் காரணமாக பல இடங்கள் வெள்ளத்தில் மூழ்கின. Nanyang நகரில் ஆண்டு முழுவதும் பெய்யக்கூடிய அளவுக்கு 61 சென்டிமீட்டர் மழை ஒரே நாளில் பெய்ததால் வெள்ளக்காடாக காட்சியளித்தது. மீட்பு மற்றும் நிவாரணப் பணிகள் முழுவீச்சில் நடைபெற்று வருகின்றன சீனாவில் பெய்து வரும் கனமழையால் தலைநகர் பெய்ஜிங்கில் இருந்து புறப்பட வேண்டிய பல புறநகர் ரயில்கள் ரத்து செய்யப்பட்டன.