புத்தகங்களுக்கு 18 வீத வற் வரி விதிக்கப்பட்டுள்ளமையினால் பல்கலைக்கழகப் பேராசிரியர்களுக்கு கல்விப் பணிகளை மேற்கொள்வதில் பல பிரச்சினைகள் ஏற்பட்டுள்ளதாக பேராசிரியர் அகலக்கட சிறிசுமண தேரர் தெரிவித்துள்ளார். நாட்டில் கல்வியறிவற்ற தலைமுறையை உருவாக்கும் அரசின் முயற்சியே இந்த நடவடிக்கை என்று அவர் கூறுகிறார். இந்த வரி விதிப்பினால் படைப்பாற்றல் இலக்கியம் மற்றும் கல்வியியல் ஆராய்ச்சிக்கு இடையூறு ஏற்பட்டுள்ளதாக பேராசிரியர் பிரனீத் அபேசுந்தர வலியுறுத்தியுள்ளார்.

முன்னாள் சுகாதார அமைச்சர் கெஹலிய ரம்புக்வெல்ல சிறைச்சாலை வைத்தியசாலையில் அனுமதிக்கப்பட்டுள்ளார். நேற்றைய தினம் கைது செய்யப்பட்ட அவர், இன்று (03.02) மாளிகாகந்த நீதவான் நீதிமன்றத்தில் முன்னிலைப்படுத்தப்பட்ட நிலையில், அவரை எதிர்வரும் 15 ஆம் திகதிவரையில் விளக்கமறியலில் வைக்குமாறு நீதவான் உத்தரவு பிறப்பித்துள்ளார். இந்நிலையில், வைத்தியரின் பரிந்துரையின் பேரில் அவர் சிறைச்சாலை வைத்தியசாலையில் அனுமதிக்கப்பட்டுள்ளதாக தெரியவருகிறது.

மத்திய ஓக்லஹோமாவில் 5.1 ரிக்டர் அளவில் நிலநடுக்கம் பதிவாகியுள்ளதாக அமெரிக்க புவியியல் ஆய்வு மையம் தெரிவித்துள்ளது. அசோசியேட்டட் பிரஸ் படி, ப்ராக் நகருக்கு வடமேற்கே 8 கிலோமீட்டர் (4.9 மைல்) தொலைவில் மையம் கொண்டிருந்ததாக நிறுவனம் கூறியது. ப்ராக் நகரம் ஓக்லஹோமா நகரத்திலிருந்து கிழக்கே சுமார் 57 மைல்கள் (92 கிலோமீட்டர்) தொலைவில் உள்ளது, அங்கு குடியிருப்பாளர்கள் நிலநடுக்கத்தின் அதிர்ச்சியை உணர்ந்ததாக தெரிவித்தனர். நிலநடுக்கத்தினால் ஏற்பட்ட சேதவிபரங்கள் வெளியாகவில்லை.  ஜனவரி மாதம் ஓக்லஹோமாவில் தொடர்ச்சியான பூகம்பங்கள் பதிவாகியிருந்தமை […]