ஈரானுடனான வர்த்தக உறவுகளை துண்டித்த ஐக்கிய அரபு அமீரகம்

ஈரான் மற்றொரு தாக்குதலை நடத்தியதாகக் குற்றம் சாட்டி, ஐக்கிய அரபு அமீரகம் ஈரானுடனான அனைத்து வர்த்தகத்தையும் உடனடியாக நிறுத்திவைக்க முடிவு செய்துள்ளது.

அமெரிக்கத் தடைகள் மற்றும் பல்வேறு முற்றுகைகளால் ஏற்கனவே கடுமையான பொருளாதார நெருக்கடியில் இருக்கும் ஈரான், ஐக்கிய அரபு அமீரகத்தின் இந்த முடிவால் சர்வதேச அளவில் மேலும் தனிமைப்படுத்தப்படும் என்று வெளிநாட்டு ஊடக அறிக்கைகள் தெரிவிக்கின்றன.

ஈரானிடமிருந்து தாக்குதல் அபாயம் இருப்பதாக எச்சரித்து, ஐக்கிய அரபு அமீரகம் முழுவதும் வசிக்கும் மக்களைப் பாதுகாப்பான இடங்களுக்குச் செல்லுமாறு வலியுறுத்தி, நேற்று இரவு (18) நாடு தழுவிய அவசரகால எச்சரிக்கைகள் விடுக்கப்பட்டன.

கடந்த சில வாரங்களில் இதுபோன்ற அவசரகாலப் பாதுகாப்பு எச்சரிக்கை விடுக்கப்படுவது இதுவே முதல் முறை என்று கூறப்படுகிறது.

பிப்ரவரி 28 அன்று தொடங்கிய இராணுவ மோதலின் ஆரம்ப கட்டத்தில், ஐக்கிய அரபு அமீரகம் ஈரானால் கடுமையாகத் தாக்கப்பட்டது, இது இரு நாடுகளுக்கும் இடையிலான வர்த்தக உறவுகள் இடைநிறுத்தப்படுவதற்கு வழிவகுத்தது.

இருப்பினும், ஜூன் மாத இறுதியில், இராணுவ நிலைமை ஓரளவு தணிந்ததால், இரு நாடுகளும் சில கடல்வழி வர்த்தகத்தை மீண்டும் தொடங்கின.

ஆயினும், ஐக்கிய அரபு அமீரகம் முன்வைத்த ஏவுகணைத் தாக்குதல் குற்றச்சாட்டுகளை ஈரானிய அதிகாரிகள் மறுத்துள்ளனர்.