உக்ரைனுக்கு புதிய ஜனாதிபதி வேண்டும்: ட்ரம்ப் வலியுறுத்து
உக்ரைன் தனது தலைவர் வோலோடிமிர் ஸெலென்ஸ்கியை மாற்ற வேண்டும் என்றும், ரஷ்ய எண்ணெய் உள்கட்டமைப்புகள் மீது உக்ரைன் நடத்தி வரும் தாக்குதல்களை நிறுத்த வேண்டும் என்றும் அமெரிக்க ஜனாதிபதி டொனால்ட் டிரம்ப் வலியுறுத்தியுள்ளார்.
ரஷ்யாவுடன் டீசல் விநியோக ஒப்பந்தம் ஒன்றை அறிவித்த மறுநாளே டிரம்ப் இந்தக் கருத்தைத் தெரிவித்துள்ளார். இந்த ஒப்பந்தத்திற்கு ஸெலென்ஸ்கி கடும் கண்டனம் தெரிவித்திருந்தார்.
“அவர்களால் (உக்ரைனால்) ஒரு உடன்பாட்டை எட்டக்கூடிய புதிய தலைவரைத் தேர்ந்தெடுக்க முடியும் என நான் பரிந்துரைக்கிறேன்.
ஏனெனில், அவரால் (ஸெலென்ஸ்கியால்) பல ஒப்பந்தங்களை செய்திருக்க முடியும், ஆனால் ஏதோ ஒரு காரணத்தினால் அவர் அதைச் செய்வதில்லை,” என்று வெள்ளை மாளிகையில் செய்தியாளர்களிடம் டிரம்ப் கூறினார்.
“உக்ரைனுக்கு ஒரு புதிய ஜனாதிபதி வர வேண்டிய நேரம் இதுவென நான் நினைக்கிறேன்,” என்றும் அவர் குறிப்பிட்டார்.
அடுத்த மாதம் நடைபெறவுள்ள இடைத்தேர்தலுக்கு முன்னதாக, உயர்ந்து வரும் எரிபொருள் விலைகள் டிரம்பின் குடியரசுக் கட்சிக்கு அரசியல் ரீதியாகப் பெரும் பின்னடைவை ஏற்படுத்தியுள்ளன.
இந்நிலைப் பின்னணியில், ரஷ்ய டீசல் மீதான தடைகளை நீக்குவது குறித்து ரஷ்யா ஜனாதிபதி விளாடிமிர் புடினுடன் டிரம்ப் மேற்கொண்ட ஒப்பந்தத்தை ஸெலென்ஸ்கி கடுமையாக விமர்சித்தார்.
