போலந்தில் கல்லூரியொன்றில் கத்திகுத்து தாக்குதல் – மூவர் காயம்

போலந்து – வார்சாவில் உள்ள கல்லூரியில் நேற்று கத்திகுத்து தாக்குதல் சம்பவம் ஒன்று இடம்பெற்றுள்ளது.

இதில் மூவர் காயமடைந்ததாக பொலிஸார் தெரிவித்தனர். இருவர் லேசான காயங்களுக்கு உள்ளானதாகவும் ஒருவர் படுகாயம் அடைந்ததாகவும் தெரிவிக்கப்படுகிறது.

படுகாயம் அடைந்த நபர் வைத்தியசாலைக்கு கொண்டுச் செல்லப்பட்டதாக பொலிஸார் தெரிவித்தனர்.

தாக்குதல் நடத்திய 21 வயதுடைய நபர் கைது செய்யப்பட்டுள்ளதாகவும், அவர் அதேகல்லூரியைச் சேர்ந்தவர் எனவும் தெரிவிக்கப்பட்டுள்ளது.

மேலும் . தாக்குதல் நடத்தியவருக்கும் பாதிக்கப்பட்டவர்களுக்கும் இடையே எந்தவிதமான அறிமுகமும் இல்லை என்று ஆரம்பகட்ட விசாரணையில் தெரியவந்துள்ளது.

போலந்தில் கடந்த ஒருவாரத்தில் அடுத்தடுத்து இடம்பெற்ற கத்திகுத்து தாக்குதல் சம்பவங்கள் பரபரப்பை ஏற்படுத்தியுள்ளமை குறிப்பிடத்தக்கது.