இலங்கையில் முட்டை விலையில் ஏற்பட்டுள்ள மாற்றம்!

இலங்கையில் முட்டை விலை குறைந்துள்ளதாக உற்பத்தியாளர்கள் தெரிவிக்கின்றனர்.

அதன்படி, 40, 42 மற்றும் 43 ரூபாய் என விலை நிர்ணயிக்கப்பட்டுள்ளது.

65,70 ரூபாவாக அதிகரித்துள்ள முட்டையின் விலை வீழ்ச்சிக்கு உள்ளூர் முட்டை உற்பத்தி அதிகரித்தமையே காரணம் என அகில இலங்கை முட்டை உற்பத்தியாளர் சங்கத்தின் தலைவர் சரத் ரத்நாயக்க தெரிவித்தார்.

அவர் கூறுகையில், பண்ணையில் இருந்து வெள்ளை முட்டை 37 ரூபாய்க்கும், சிவப்பு முட்டை 38 ரூபாய்க்கும் விடப்படுகிறது. தற்போது முட்டை உற்பத்தியும் கணிசமாக அதிகரித்து வருகிறது.

இந்த மாதத்தில் முட்டை உற்பத்தி 60, 65 இலட்சமாக அதிகரித்துள்ளதாக சரத் ரத்நாயக்க வலியுறுத்தினார்.

முட்டை உற்பத்தி அதிகரித்துள்ளதாலும், நாட்டுக்குத் தேவையான முட்டை உற்பத்தி காரணமாகவும் இந்தியாவில் இருந்து முட்டைகளை இறக்குமதி செய்ய வேண்டிய அவசியமில்லை என தலைவர் தெரிவித்தார்.