குழந்தைகளுக்கான சமூக ஊடகத் தடை : தளங்களுக்கு பிரான்ஸ் பிறப்பித்துள்ள உத்தரவு

15 வயதுக்குட்பட்ட குழந்தைகளுக்கான சமூக ஊடகப் பயன்பாட்டிற்கு முழுமையான தடை விதித்த முதல் ஐரோப்பிய ஒன்றிய நாடாக பிரான்ஸ் திகழ்கிறது.

இதன்படி, ஜனவரி 2027 முதல் வயது சரிபார்ப்பை அமல்படுத்துமாறு சமூக ஊடக தளங்களிடம் கோரப்பட்டுள்ளது.

கடந்த ஆண்டு 16 வயதுக்குட்பட்டவர்களுக்காக ஆஸ்திரேலியா விதித்த வரலாற்றுச் சிறப்புமிக்க தடையைத் தொடர்ந்து இந்தச் சட்டம் இயற்றப்பட்டுள்ளது.

இது ஒரு உலகளாவிய முன்னுதாரணத்தை ஏற்படுத்தியதுடன், தற்போது ஏராளமான நாடுகள் இந்த சட்டத்தை அமுல்படுத்த முயற்சித்து வருகின்றன.

இந்தத் தடைகள், அடிமையாக்கும் அல்காரிதமிக் பதிவுகள் மற்றும் தற்கொலை முயற்சி அல்லது உண்ணுதல் கோளாறுகள் தொடர்பான தீங்கு விளைவிக்கும் உள்ளடக்கங்களுக்கு குழந்தைகள் ஆளாவதைக் கட்டுப்படுத்துவதன் மூலம், அவர்களின் மன ஆரோக்கியத்தையும் வளர்ச்சியையும் பாதுகாப்பதை நோக்கமாகக் கொண்டுள்ளன.

ஆஸ்திரியா, டென்மார்க், ஜெர்மனி, கிரீஸ், நார்வே, போலந்து, சுலோவீனியா, ஸ்பெயின், இந்தோனேசியா மற்றும் மலேசியா உள்ளிட்ட நாடுகள் இதேபோன்ற கட்டுப்பாடுகளை அமல்படுத்தியுள்ளன அல்லது திட்டமிட்டுள்ளன. அதே நேரத்தில், இங்கிலாந்தும் தடை விதிப்பதற்கான திட்டங்களை அறிவித்துள்ளது.

சட்டரீதியான முயற்சிகள் இருந்தபோதிலும், இந்தத் தடைகளின் செயல்திறன் குறித்து கவலைகள் நீடிக்கின்றன. ஆஸ்திரேலியாவில் நடத்தப்பட்ட ஒரு ஆய்வில், தளங்கள் திறம்பட வயது சரிபார்ப்பைச் செயல்படுத்தத் தவறியுள்ளதாகவும், இதனால் வயதுக்குட்பட்ட பயனர்கள் விதிகளை மீற முடிவதாகவும் தெரியவந்துள்ளது.