ஜப்பானின் சொத்துக்களை உடமையாக்கிய புட்டின் – நிர்வாக உத்தரவில் கையெழுத்து

ரஷ்ய ஜனாதிபதி விளாடிமிர் புடின், ஜப்பான் டொபாக்கோ இன்டர்நேஷனல் (JTI) நிறுவனத்தின் ரஷ்ய சொத்துக்களை தற்காலிகமாகப் பறிமுதல் செய்வதற்கான ஆணையில் கையெழுத்திட்டுள்ளார்.

தொடர்புடைய ஆணை நேற்று கையெழுத்திடப்பட்டுள்ளது.

புட்டினின் இந்த நடவடிக்கைக்கு டோக்கியோ உடனடியாக கண்டங்களை தெரிவித்துள்ளது.

ஜப்பான் மற்றும் ரஷ்யாவிற்கு இடையிலான இராஜதந்திர உறவுகள் மோசமடைந்துவரும் சூழலில் இந்தவிடயம் உறவுகளை மேலும் சிக்கலாக்கியுள்ளது.

ஆணையின்படி, ஜப்பான் டொபாக்கோவின் (JT) ஒரு பகுதியாகவும், ரஷ்யாவின் மிகப்பெரிய புகையிலை உற்பத்தியாளராகவும் உள்ள JTI-யின் நான்கு வணிகங்களில் உள்ள பங்குகள், இனி ரஷ்ய நிறுவனமான இண்டஸ்ட்ரியல் அசெட்ஸ்-இன் நிர்வாகத்தின் கீழ் இருக்கும் எனத் தெரிவிக்கப்பட்டுள்ளது.

புட்டினின் இந்த திடீர் முடிவுக்கான காரணம் அவ் ஆணையில் குறிப்பிடப்படவில்லை என்பதும் சுட்டிக்காட்டத்தக்கது.