சபாநாயகருக்கு எதிராக நம்பிக்கை யில்லாப் பிரேரணை உறுதி

சபாநாயகருக்கு எதிரான நம்பிக்கையில்லாப் பிரேரணை இம்முறை திட்டமிட்ட அடிப்படையில் கையளிக்கப்படும் என்று பிரதான எதிர்க்கட்சியான ஐக்கிய மக்கள் சக்தி திட்டவட்டமாக அறிவித்துள்ளது.

நம்பிக்கையில்லாப் பிரேரணையில் எதிர்க்கட்சி நாடாளுமன்ற உறுப்பினர்களின் கையொப்பங்களைத் திரட்டும் நடவடிக்கை நாளை முதல் முன்னெடுக்கப்படவுள்ளது.

அக்டோபர் மாதத்திற்குரிய நாடாளுமன்ற அமர்வுகள் நாளை முதல் வரும் 9-ஆம் தேதி வரை நடைபெறவுள்ளன. இக்காலப்பகுதியிலேயே 42 குற்றச்சாட்டுகளை முன்வைத்து, சபாநாயகருக்கு எதிரான நம்பிக்கையில்லாப் பிரேரணையை ஐக்கிய மக்கள் சக்தி கையளிக்கவுள்ளது.

இதற்கு முன்னர் சபாநாயகருக்கு எதிராக நம்பிக்கையில்லாப் பிரேரணையைக் கையளிப்பதற்கு எதிர்க்கட்சி திட்டமிட்டிருந்த போதிலும், அம்முயற்சி கைகூடவில்லை. எனினும், இம்முறை இது நிச்சயமாக நடக்கும் என அறிவிக்கப்பட்டுள்ளது.