மத்திய கிழக்கு போர் இலங்கையிலும் எதிரொலிப்பு: எகிறியது எரிபொருள் விலை

இலங்கை பெற்றோலியக் கூட்டுத்தாபனம் (CEYPETCO), நவம்பர் 1 நள்ளிரவு முதல் அமுலுக்கு வரும் வகையில் எரிபொருள் வகைகளின் விலைகளை அதிகரித்துள்ளது.

இதற்கமைய, ஒரு லீற்றர் லங்கா ஒட்டோ டீசலின் விலை 5 ரூபாவால் அதிகரிக்கப்பட்டு 397 ரூபாவாக நிர்ணயிக்கப்பட்டுள்ளது.

லங்கா சுப்பர் டீசல் 4 ஸ்டார் யூரோ 4 வகையின் விலை 15 ரூபாவால் அதிகரிக்கப்பட்டு 543 ரூபாவாக நிர்ணயிக்கப்பட்டுள்ளது.

அதேபோல், லங்கா பெற்றோல் 92 ஒக்டேன் வகையின் விலை 10 ரூபாவால் அதிகரிக்கப்பட்டு 424 ரூபாவாகவும், லங்கா பெற்றோல் 95 ஒக்டேன் யூரோ 4 வகையின் விலை 15 ரூபாவால் அதிகரிக்கப்பட்டு 490 ரூபாவாகவும் நிர்ணயிக்கப்பட்டுள்ளது.

எனினும், மண்ணெண்ணெய் விலையில் எவ்வித மாற்றமும் மேற்கொள்ளப்படவில்லை. அதன் ஒரு லீற்றர் விலை 285 ரூபாவாகத் தொடர்ந்தும் காணப்படும்.

மத்திய கிழக்கு போர் சூழ்நிலையால் உலகளவில் எரிபொருள் விலை அதிகரித்துள்ளது. அதன் தாக்கம் இலங்கையிலும் எதிரொலித்துள்ளது.