லொஸ் ஏஞ்சல்ஸில் கடலில் குளிக்க தடை

லொஸ் ஏஞ்சல்ஸ் கவுண்டி சுகாதார அதிகாரிகள், கடலில் இறங்குவதற்கு அல்லது குளிப்பதற்கு தடை விதித்துள்ளனர்.

கடலில் காணப்படும் பாக்டீரியா காரணமாக இந்த உத்தரவு பிறப்பிக்கப்பட்டுள்ளது.

வெனிஸ் பியர் ( Venice Pier) , சாண்டா மோனிகா பியர் (Santa Monica Pier),  மெரினா டெல் ரேயில் (Marina del Rey) உள்ள மதர்ஸ் பீச் (Mother’s Beach) மற்றும் சான் பெட்ரோவில் உள்ள இன்னர் கப்ரில்லோ பீச் ( Inner Cabrillo Beach ) ஆகிய இடங்கள் பாதிக்கப்பட்ட  பகுதிகளாக அறிவிக்கப்பட்டுள்ளது.

சமீபத்திய நீர் மாதிரிகளில், கலிபோர்னியா சுகாதாரத் தரநிலைகளை மீறிய பாக்டீரியா அளவுகள் இருப்பது தெரியவந்துள்ளது.

இது, நீருக்குள் இறங்குபவர்களுக்கு நோய் ஏற்படும் அபாயத்தை அதிகரிக்கிறது.

தற்போது நிலவும் வெப்பமான வானிலை காரணமாக பெரும்பாலான மக்கள் கடற்பகுதிகளை நாடுவதால் இந்த எச்சரிக்கை விடுக்கப்பட்டுள்ளது.