மதுபான விற்பனை நிலையங்கள் திறக்கும் நேரங்களில் மாற்றம்!! நாளை முதல் அமுல்

டிசம்பர் 9ஆம் திகதி முதல் அமுலுக்கு வரும் வகையில் மதுபான விற்பனை நிலையங்களை திறக்கும் மற்றும் மூடும் நேரம் மாற்றியமைக்கப்பட்டுள்ளது.

கலால் கட்டளைச் சட்டத்தின் 52ஆவது அதிகாரசபையின் உட்பிரிவு 32-1 இன் அதிகாரத்தின் கீழ் ஜனாதிபதி ரணில் விக்கிரமசிங்கவினால் இந்தத் விதிப்பு மேற்கொள்ளப்பட்டுள்ளது.

அதன்படி, வெளிநாட்டு மதுபான சில்லறை விற்பனை உரிமத்தின் கீழ் உள்ள மதுபான விற்பனை நிலையங்கள் காலை 8 மணி முதல் இரவு 10 மணி வரை திறந்திருக்கும்.

இதேவேளை, வளாகத்தில் மது அருந்துவதற்கான மதுபான விற்பனை நிலையங்கள் (சுற்றுலா சபையால் அங்கீகரிக்கப்படாத ) காலை 10 மணி முதல் இரவு 11 மணி வரையும் மற்றும் வளாகத்தில் மது அருந்துவதற்கான மதுபான விற்பனை நிலையங்கள் (சுற்றுலா சபையால் அங்கீகரிக்கப்பட்ட ) காலை 10 மணி முதல் மதியம் 12 மணி வரை திறந்திருக்கும்.

FL7 மற்றும் FL8 மதுபான உரிமங்களைக் கொண்ட சுற்றுலா சபையால் அங்கீகரிக்கப்பட்ட ஹோட்டல்கள் (3 நட்சத்திரங்கள் மற்றும் அதற்கு மேல் உள்ள ஹோட்டல்கள்) – காலை 10 மணி முதல் அதிகாலை 2 மணி வரை திறந்திருக்கும்.

ஏனைய அனைத்து ஹோட்டல்களும் காலை 10 முதல் 12 மணி வரை திறந்திருக்கும். மதுபான விற்பனை நிலையங்கள் திறக்கும் மற்றும் மூடும் நேரங்கள் குறித்த முழு விவரம் மேலே கொடுக்கப்பட்டுள்ளது.