பிரெஞ்சு போராட்டங்கள் – ட்ரம்பின் கருத்துக்கு மக்ரோன் பதிலடி

பிரான்சில் பரவிவரும் கலவரங்கள் குறித்து அமெரிக்கா முன்வைத்த விமர்சனங்களுக்கு, பிரெஞ்சு வெளியுறவு அமைச்சகம் இன்று பதிலடி கொடுத்துள்ளது.

பிரான்ஸில் தற்போது அதிகரித்து வரும் கலவரங்களுக்கு குடியேறிகளே காரணம் என்றும் அந்நாடு விரைவில் முஸ்லிம் நாடாக மாறும் எனவும் ட்ரம்ப் விமர்சித்திருந்தார்.

இதற்கிடையே பிரான்சில் நடந்த ஆர்ப்பாட்டங்களின் போது, ​​முகமூடி அணிந்த ஆண்கள் ஒரு பெரிய தீக்கு முன்னால் நிற்கும் காணொளியை ICE அமைப்பு பகிர்ந்து, “அமெரிக்கத் தெருக்கள் இப்படிக் காட்சியளிப்பதைத் தடுக்க நாங்கள் ஒவ்வொரு நாளும் போராடுகிறோம்” என்று எழுதியிருந்தது.

இந்நிலையில்  அமெரிக்காவின் இந்த கருத்துக்களுக்கு பிரெஞ்சு ஜனாதிபதி மக்ரோன் கண்டனம் வெளியிட்டுள்ளார்.

அத்துடன் அவ்வுரைகளை ஏற்றுக்கொள்ள முடியாதவை மற்றும் முட்டாள்தனமானவை என்றும் விமர்சித்துள்ளார்.

மேலும் பிரெஞ்சு வெளியுறவு அமைச்சகம், அமெரிக்கத் துப்பாக்கிச் சூட்டு மரணங்கள் குறித்த புள்ளிவிவரங்களுடன் உடனடியாகப் பதிலடி கொடுத்து, “பிரெஞ்சுப் புள்ளிவிவரங்கள் இப்படிக் காட்சியளிப்பதைத் தடுக்க நாங்கள் ஒவ்வொரு நாளும் போராடுகிறோம்” என்று மேலும் கூறியுள்ளது.