இலங்கைக்கு எதிரான டெஸ்ட் தொடரில் இருந்து முக்கிய இங்கிலாந்து வீரர் விலகல்

இலங்கை கிரிக்கெட் அணி இங்கிலாந்துக்கு சுற்றுப்பயணம் மேற்கொண்டு 3 போட்டிகள் கொண்ட டெஸ்ட் தொடரில் விளையாட உள்ளது.

இந்த தொடர் வரும் 21ம் தேதி தொடங்குகிறது. இந்த தொடரின் போட்டிகள் முறையே மான்செஸ்டர், லார்ட்ஸ் , கென்னிங்டன் ஓவல் ஆகிய மைதானங்களில் நடைபெறுகிறது.

இந்நிலையில் இந்த தொடரில் இருந்து இங்கிலாந்து கேப்டன் பென் ஸ்டோக்ஸ் விலகி உள்ளதாக இங்கிலாந்து கிரிக்கெட் வாரியம் அறிவித்துள்ளது.

இங்கிலாந்தில் நடைபெற்று வரும் தி ஹண்ட்ரெட் தொடரில் நடைபெற்ற ஆட்டத்தில் ஸ்டோக்ஸ்-க்கு இடது தொடையில் காயம் ஏற்பட்டுள்ளதாக தெரிவிக்கப்பட்டுள்ளது.

இதன் காரணமாக அவர் இலங்கைக்கு எதிரான டெஸ்ட் தொடரில் விளையாட மாட்டார் என தெரிவிக்கப்பட்டுள்ளது.

அவருக்கு பதிலாக இலங்கை தொடரில் மாற்று வீரர் சேர்க்க மாட்டார் எனவும் தெரிவிக்கப்பட்டுள்ளது. பென் ஸ்டோக்ஸ் இல்லாததால் இலங்கை தொடரில் ஆலி போப் கேப்டனாக செயல்படுவார் என இங்கிலாந்து கிரிக்கெட் வாரியம் தெரிவித்துள்ளது.

See also  அமெரிக்க அதிகார மாற்றம் தொடர்பில் ஜோ பைடன் வெளியிட்ட அறிவிப்பு

தொடர்புடைய செய்திகள்:

IPL Match 43 – மும்பை அணி மீண்டும் தோல்வி பிரான்ஸில் ஒலிம்பிக் சுடரை ஏற்றிச் செல்லும் கப்பல் IPL Match 59 – சென்னை அணிக்கு 232 ஓட்டங்கள் இலக்கு அணியில் இருந்து தற்காலிகமாக பத்தும் நிஸ்ஸங்க விலகினார் தோனி, விராட் வாய்ப்பு கொடுக்காததால் ஓய்வு பெற்ற 4 வீரர்கள் ஐபிஎல் வரை இந்திய அணி விளையாடும் போட்டிகளின் விபரம்