ஹிஸ்புல்லா அமைப்புக்கு எதிராக போர் பிரகடனம் செய்ய தயாராகி வரும் இஸ்ரேல்
காஸா பகுதியில் இயங்கி வரும் ஹமாஸ் போராளிகள் மீது தாக்குதல் நடத்தி வரும் இஸ்ரேல், தற்போது லெபனானில் உள்ள ஹிஸ்புல்லா அமைப்புக்கு எதிராக போர் பிரகடனம் செய்ய தயாராகி வருவதாக வெளிநாட்டு ஊடகங்கள் தெரிவிக்கின்றன.
அதன்படி, எல்லைக்கு அருகில் ஹிஸ்புல்லா அமைப்பு தனது தாக்குதல்களை நிறுத்தாவிட்டால், அந்த அமைப்பு எல்லைக்கு அருகாமையில் இருந்து அழிக்கப்படும் என்று இஸ்ரேல் இராணுவம் கூறுகிறது.
வடக்கு இஸ்ரேல் மீதான தாக்குதல்களை ஹிஸ்புல்லா நிறுத்தாவிட்டால் இராணுவத் தலையீடு மேற்கொள்ளப்படும் என்று இஸ்ரேலின் அமைச்சரவை அமைச்சர் பென்னி காண்ட் கூறுகிறார்.
இராஜதந்திர தீர்வொன்றை எட்டுவதற்கான காலம் கடந்து வருவதாகவும் அவர் கூறியுள்ளார்.
இதேவேளை, பிரித்தானிய இராணுவத்தின் முன்னாள் கர்னல் ரிச்சர்ட் கெம்ப், ஹிஸ்புல்லா குறித்து இஸ்ரேலுக்கு எச்சரிக்கை விடுத்துள்ளார். ஹிஸ்புல்லாவின் இஸ்ரேலின் வான்வழித் தாக்குதல்கள் ஒரு தீவிரமான சூழ்நிலை என்று அவர் கூறுகிறார்.
நன்கு பயிற்சி பெற்ற ஹிஸ்புல்லா உறுப்பினர்களும் சிரியாவிற்கு அனுப்பப்படுவதாகவும் இராணுவ அதிகாரி கூறுகிறார்.
காஸா பகுதியில் ஹமாஸ் அமைப்பினர் நிலைகொண்டுள்ள நிலை போன்றதொரு நிலை இது என்றும் அவர் கூறுகிறார். ஹிஸ்புல்லாஹ் இஸ்ரேலின் தலைக்கு துப்பாக்கி எனவும் அவர் குறிப்பிட்டுள்ளார்.
(Visited 3 times, 1 visits today)
