ஈரான் அணுவாயுதத்தை விரைவில் பயன்படுத்தும் – ட்ரம்ப் எச்சரிக்கை!

ஈரான் இஸ்ரேல், மத்திய கிழக்கு, ஐரோப்பா மற்றும் அமெரிக்காவுக்கு எதிராக விரைவில் அணு ஆயுதத்தைப் பயன்படுத்தும் என்று ஜனாதிபதி ட்ரம்ப் எச்சரிக்கை விடுத்துள்ளார்.

புளோரிடாவில் நடந்த பேரணி ஒன்றில் கருத்து வெளியிட்ட அவர் இவ்வாறு கூறியுள்ளார்.

இதன்போது மேலும் கருத்து வெளியிட்ட அவர், ஈரானை வழிநடத்த யாரும் விரும்பவில்லை என்றும், அமெரிக்க இராணுவம் அதன் தலைமைத்துவத்தின் பல அடுக்குகளை ஒழித்துவிட்டதால் பேச்சுவார்த்தைகள் கடினமாகிவிட்டன என்றும் அவர் கூறினார்.

அமெரிக்கா ஈரானை விட்டு வெளியேறக்கூடும், ஆனால் ஒரு முழுமையான தீர்வைக் குறிக்கும் வகையில், “அதை முற்றிலும் சரியாகச் செய்வதற்காக” தங்கியிருப்பதாகவும் அவர் தெரிவித்தார்.

அத்துடன் ஈரானின் 85 சதவீத ஏவுகணை உற்பத்தியையும், அதன் பெரும்பாலான ஆளில்லா விமானத் திறனையும் அமெரிக்க இராணுவம் அழித்துவிட்டதாக அவர் உறுதிப்படுத்தினார்.

மேலும் ஈரானுடனான தற்போதைய ஒப்பந்தங்கள் குறித்து ட்ரம்ப் அதிருப்தி தெரிவித்ததோடு,  ஒப்பந்தம் செய்வது நன்மை பயக்குமா என்றும் கேள்வி எழுப்பினார்.