யாழில் தீவிரமடையும் போராட்டம் – ஏ9 வீதி மறிப்பு – போக்குவரத்து பாதிப்பு

சாவகச்சேரி ஆதார வைத்தியசாலை முன்பாக இடம்பெற்று வரும் போராட்டம் தீவிரமடைந்துள்ளது.

போராட்டத்தில் ஈடுபட்ட பொதுமக்கள் ஏ9 வீதியை மறித்து போராட்டத்தில் ஈடுபட்டதால் குழப்பமான சூழ்நிலை ஏற்பட்டது.

இதன்போது ஏ9 வீதியூடான போக்குவரத்து பெருமளவில் பாதிக்கப்பட்டது.

வீதியை மறித்து போராடுவது சட்டவிரோதமானது என பொலிஸார் வேண்டுகோள் அறிவித்தல் விடுத்தமைக்கு இணங்க, பொதுமக்கள் வீதியை விட்டு விலகி வீதியோரமாக தொடர்ச்சியாக போராட்டத்தில் ஈடுபட்டுள்ளனர்.

பொலிஸாருடன் இணைந்து கலகமடக்கும் பொலிஸார், விசேட அதிரடிப்படையினரும் வைத்தியசாலையில் குவிக்கப்பட்டுள்ளனர்.

சாவகச்சேரி ஆதார வைத்தியசாலையின் பதில் அத்தியட்சகர் பதவியில் இருந்து வைத்தியர் இராமநாதன் அர்ச்சுனாவை இடமாற்றும் முயற்சிகளுக்கு எதிர்ப்புத் தெரிவித்து வைத்தியசாலை முன்பாக இரவு ஆரம்பித்த இந்த கண்டன ஆர்ப்பாட்டம் அதிகளவிலான மக்களின் பங்கேற்புடன் தற்போது தொடர்ச்சியாக நடைபெற்று வருகிறது.

தொடர்புடைய செய்திகள்:

தம்மிக்க பெரேரா குறித்து வௌியான செய்திகளுக்கு மொட்டு கட்சி மறுப்பு கொழும்பிலிருந்து மாலைதீவு நோக்கி பயணித்த விமானம் திடீரென தரையிறக்கம் மோடியின் அழைப்பை ஏற்று இந்தியா வந்தார் இம்மானுவேல் மேக்ரான் சேவையில் இல்லாத 08 விமானங்களுக்கு 565 கோடி ரூபாயை வாடகை பிரான்ஸ் இளைஞரிடம் இருந்து மில்லியன் கணக்கில் பணம், நகைகளை ஏமாற்றிய கிளிநொச்சி யுவதி பேராசிரியர் நளின் டி சில்வா காலமானார்